Kórmege qatysatynyn rastady

Jel generatorlaryn óndiretin álemdegi eń iri «Vestas» korporasııasy EKSPO-2017-ge keledi Jýyrda EKSPO-2017 kórmesiniń komıssary Rápil Joshybaevtyń Danııa Koroldigine jumys sapary ótti. Kopengagende komıssar Halyq­a­ra­­lyq kórmeler bıýrosynyń (HKB) prezıdentimen, ótken halyq­aralyq kórmelerdegi Danııa pavılonynyń burynǵy dırektory Stın Krıstensenmen, «Vestas» transulttyq kompanııasynyń vıse-prezıdenti Morten Dırholmmen, Danııa Syrtqy ister mınıstrligi Memlekettik hatshysynyń orynbasary Iens Kıslıngpen jáne «ja­syl energetıka» salasyndaǵy jetekshi dat kompanııalarynyń top-menedjerlerimen kelissózder júrgizdi. HKB prezıdentimen kezdesý barysynda EKSPO-2017 kór­mesiniń komıssary halyq­ara­lyq qatysýshylardy tartý, pavılon­dardy taqyryptyq toltyrý, sondaı-aq, Qazaqstannyń HKB aldyn­daǵy mindetterin oryndaý máseleleri boıynsha júrgizilip jatqan jumys­tar men josparlar týraly aıtty. Krıstensendal óz kezeginde, kór­meni ótkizýge daıyndyqty jo­ǵa­ry baǵalap, EKSPO-2017 kór­mesi nezinde BUU bastamasymen «jasyl» tehnologııalar men ın­ves­tı­sııa­lyq jobalardy damytý or­ta­ly­ǵyn qurý ózektiligin erekshe atady. «Vestas» kompanııasynyń vıse-prezıdenti M.Dırholmmen kezdesý barysynda EKSPO-2017 kórmesiniń sheńberinde ynty­maq­tasý, sonyń ishinde Qazaq­stan­da balamaly energetıkany damytýǵa ınvestısııalardy tartý máseleleri talqylandy. Dırholm­niń pikirinshe, «Vestas» kom­­pa­nııasynyń mamandary jalpy qýattylyǵy 40 myń MVt-ǵa jýyq 41 jel generatorlaryn óndi­rip, álemniń 60-tan astam elinde or­natqan jáne qazirgi tańda Ortalyq Azııa naryǵyna enýge múddeli. Kezdesý qorytyndysy boıynsha «Vestas» kompanııasy Astanadaǵy halyqaralyq kórmege qatysyp, ınnovasııalyq jel-energetıkalyq qondyrǵylaryn kórsetetin boldy. Danııa SIM-indegi kelissóz­der barysynda ekijaqty saıası jáne saý­da-ekonomıkalyq qatynas­tar­dyń, sonyń ishinde EKSPO-2017 kór­mesi sheńberinde balamaly energııa, ǵylymı-zertteý jáne tehnologııa­lar transferti salalaryndaǵy yntymaqtastyqty damytýdyń ózekti aspektileri qozǵaldy. Danııa­nyń energetıkalyq strategııasyna sáıkes osy el úkimeti 2020 jyl­ǵa deıin jylyjaı gazdarynyń shy­ǵa­rylýyn 40%-ǵa tómendetýdi jáne balamaly energııanyń úlesin 50%-ǵa deıin jetkizýdi josparlaýda. Sonymen qatar, sapar sheń­berinde Danııa men Shvesııanyń «Innoventum», «Haldor Topsoe» jáne «DBDH» sııaqty iri kompanııalary úshin tanystyrylym uıymdastyryldy.