Úkimet kýlýarynda Eńbek jáne halyqty áleýmettik qorǵaý mınıstri Asqarbek Ertaev qoǵamda qyzý talqylanyp jatqan eń tómengi jalaqyny 150 myń teńgege deıin kóterý týraly málimdemege qatysty pikir bildirdi, dep habarlaıdy Egemen.kz.
Buǵan deıin Ulttyq ekonomıka mınıstriniń orynbasary Azamat Ámrın eń tómengi jalaqy mólsherin 150 myń teńgege jetkizý mindeti turǵanyn aıtqan bolatyn. Bul aqparat halyq arasynda úlken úmit pen túrli saýaldar týǵyzdy.
Asqarbek Ertaev bul baǵytta naqty jospar bar ekenin, biraq sońǵy sheshim áli qabyldanbaǵanyn jetkizdi.
«Qazirgi 85 myń teńgeden kóterý jaǵyn Úkimet, Ulttyq bank, Qarjy naryǵyn retteý jáne damytý agenttigi birlesip naqty josparǵa belgilep qoıdyq. Onyń óz merzimi bar. Qazir talqylaý júrip jatyr. Bizdiń óz esepterimiz daıyn, pysyqtaý kezinde usynystarymyzdy beremiz», dedi Eńbek mınıstri.
Tabys teńgerimi: Jalaqy men baǵa araqatynasy
Mınıstr jalaqynyń naqty qansha teńgege ósetinin naqty aıtpady. Sebebi, bul sheshim tek áleýmettik qana emes, eldiń makroekonomıkalyq jaǵdaıyna, ınflıasııa deńgeıine jáne bıýdjet múmkindigine tikeleı baılanysty.
Elimizde ortasha jalaqy mólsheri qansha teńge?