Qazaqstan Respýblıkasy Úkimetiniń 2015 jyly tabıǵı apattan zardap shekken Tájikstan Respýblıkasynyń turǵyndaryna resmı gýmanıtarlyq kómek kórsetý týraly sheshimine sáıkes, Qazaqstan tarapy 18 vagon gýmanıtarlyq kómek jiberdi, vagondar birtindep Dýshanbe qalasyna kele bastady.
12 mamyrda gýmanıtarlyq kómekti resmı túrde berý rásimine Qazaqstannyń Tájikstandaǵy elshisi Nurlan Seıtimov pen Tájikstan Respýblıkasy Úkimetiniń janyndaǵy Memlekettik materıaldyq rezervter agenttigi dırektorynyń orynbasary Sohıbdjon Zıedýlloev qatysty.
Quny 873 myń AQSh doll. quraıtyn bıdaı unyn, makaron ónimderin, et jáne sút qalbyrlaryn, keptirilgen kókónisterdi, ósimdik maıyn, sary maı men sháı jiberildi.
Tájikstan Respýblıkasy Úkimetiniń ótinishine Qazaqstan 2015 jyly 4,7 mln. AQSh dollary kóleminde kómek kórsetti, bul Tájikstannyń ótken jyly qabyldap alǵan gýmanıtarlyq kómeginiń jalpy kóleminiń 9,5%-yn qurady.
«Egemen-aqparat»