Keshe Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev Máskeýde Eýrazııalyq ekonomıkalyq komıssııa (EEK) keńesiniń otyrysyna qatysty, dep habarlady Premer-Mınıstrdiń baspasóz qyzmeti.
Keńes músheleri Eýrazııalyq ekonomıkalyq odaq (EAEO) memleketteriniń 2016-2017 jyldarǵa arnalǵan makroekonomıkalyq saıasatynyń negizgi baǵdarlaryna qoldaý bildirdi. О́zara is-qımyldar baǵytyn júzege asyrý makroekonomıkalyq turaqtylyqty qamtamasyz etý úshin, ekonomıkalyq ósimdi jáne áriptes elderdiń odan ári damýyn qalpyna keltirý úshin jaǵdaılar jasaýǵa múmkindik týǵyzady.
Sondaı-aq, EAEO-ǵa múshe-memleketterdiń ýákiletti organdarynyń ýaqytsha sanıtarlyq, veterınarlyq-sanıtarlyq jáne karantındi fıtosanıtarlyq sharalardy engizýdegi ózara is-qımyldarynyń tártibi de qaraldy.
Medısınalyq buıymdardyń ortaq rynogyn qalyptastyrý sheńberinde Medısınalyq buıymdarǵa zertteý júrgizý erejeleri men О́mirge jáne (nemese) adamdardyń densaýlyǵyna qaýip tóndiretin medısınalyq buıymdardy qoldanýdy toqtatý nemese tyıym salý boıynsha qoldaný sharalarynyń tártibi talqylandy. О́ndiristiń, medısınalyq buıymdardy tirkeýdiń biregeı erejelerimen ortaq rynok qurý EAEO elderinde medısınalyq buıymdardy ózara jetkizýdegi basy artyq kedergilerdi joıýǵa baǵyttalǵan.