Qazaqstandyq mazmunǵa barynsha basymdyq

«Astana EKSPO-2017» Ha­lyqaralyq mamandandyrylǵan kórmesiniń ashylýyna 389 kún qaldy. Zymyrap bara jatqan ýaqyt! Osydan tórt jyl buryn alǵash Parıjde bú­kilálemdik jetistikter kór­mesin Astanada ótkizý qurmetin jeńip alǵan kezde bes jyl kóp ýaqyt sııaqty kóringen edi. Mine, búgin EKSPO kórmesi qala­shyǵyndaǵy jumys qar­qyny barynsha qyza túsken. Osyǵan baılanysty keshe «Astana EKSPO-2017» UK» AQ Qoǵamdyq keńesiniń ekinshi otyrysy ótip, kún tártibindegi keleli máseleler tilge tıek etildi. «EKSPO-2017 nysandary qurylysyndaǵy qazaqstandyq mazmun» degen taqyryppen ótken Qoǵamdyq keńes otyrysyn keńes tóraǵasy, L.N.Gýmılev atyndaǵy Eýrazııa ult­tyq ýnıversıtetiniń rektory Er­lan Sydyqov ashyp, alǵashqy sóz­di «Astana EKSPO-2017» UK» AQ basqarma tóraǵasy Ah­metjan Esimovke berdi. «Osy­dan úsh apta buryn osy zalda Memleket basshysy Asta­na qalasynyń áleýmettik-eko­no­mıkalyq damýy jáne EKSPO-2017 Halyqaralyq maman­dandyrylǵan kórmesine daıyndyq máselelerine baılanysty keńes ótkizgeni belgili. Elbasy salynyp jatqan qurylys nysandaryn óz kózimen kórip, kórmege daıyndyq jumystarynyń eń mańyzdy baǵyttary boıynsha jasalǵan baıandamalardy tyńdaǵan bolatyn», dep bastady óz sózin Ahmetjan Esimov. Onyń aıtýynsha, kórme qalashyǵyndaǵy qurylys nysandaryndaǵy jumys belgilengen keste boıynsha júrgizilýde. Qurylys obektilerinde 10 myńǵa tarta adam eńbek etýde. Sonymen birge, EKSPO nysandaryna taýarlar jetkizý jáne qyzmet kórsetý máseleleri boıynsha búkil Qazaqstan aýmaǵynda jumys isteıtin kásiporyndarda 30 myńnan as­tam adam jumysqa tar­tyl­ǵan. «Biz jobanyń bıýdjetin ońtaılandyrý maqsatynda úlken jumys atqardyq. Sonyń nátıjesinde únemdelgen qarjy 131 mıllıard teńgeden asty. Qarjy únemdeý múmkindigine qaramastan kórmeniń barlyq nysandary saqtaldy», dedi basqarma tóraǵasy. Ol óz sózinde kórmeniń áleýetti áriptesteriniń belsendiligi barǵan saıyn artyp kele jatqandyǵyn atap kórsetti. «Halyqaralyq kórmeler bıýrosy bekitken bizdiń negizgi baǵdarlamamyz boıynsha biz EKSPO-2017 kórmesine 147 mıl­lıon eýro demeýshilik qarjy tartýymyz kerek bolatyn. Qazirgi kúnge deıin qazaqstandyq jáne sheteldik kompanııalarmen 100 mıllıon eýro mólsherindegi demeýshilik kómek týraly kelisimder men memorandýmdarǵa qol qoıyldy. Sonymen birge, biz 244 mıllıard teńge ınvestısııa tarttyq. Tek qana ınvestısııalyq jobalar esebinen biz 5300 jańa jumys ornyn ashýǵa qol jetkizdik. Bul joǵaryda men aıtqan jumys oryndarynan tys kórsetkish», dedi basqarma tóraǵasy. Sonymen birge, A.Esi­mov­tiń aıtýy boıynsha, kórmeni halyqaralyq dárejede nasıhattaý jumysy belsendi júrgizilýde. Ol úshin jetekshi álemdik BAQ-tar men iri halyqaralyq sharalar ótkizý alańdary keńinen tartylýda. Búgingi kúnge deıin aqparat jáne nasıhat sharalarmen qamtylǵan adamdar sany 221 mıllıondy qurady. Jyl aıaǵyna deıin bul kórsetkish 500 mıllıon adamǵa jetse, kórme ashylar qarsańynda álem boıynsha 900 mıllıon adam kórmege qatysty sharalarmen jáne aqparattarmen qamtylmaq. «Kúnnen-kúnge EKSPO-2017 kórmesine halyq­ara­lyq qoǵamdar tarapynan qyzyǵýshylyqtyń artyp otyrǵandyǵyna kýá bolýdamyz. Dál búgingi kúnge deıin kórmege qatysatyndyǵyn 84 memleket jáne 14 halyqaralyq uıym rastady. Endi bir aıǵa tolar-tolmas ýaqyttan keıin EKSPO-2017 kórmesine halyqaralyq deńgeıde bıletter satý sharasy bastalmaq. «Biz Halyqaralyq kórmeler bıýrosymen kelissózder júrgize otyryp, bıletter qunyn tómendetýge qol jetkizdik. Ondaǵy maqsat – kórme jumysyn tamashalaýǵa qazaqstandyqtardy barynsha keńinen tartý jáne sheteldik týrısterdi kóptep qatystyrý bolyp otyr. Basqasha aıtsam, kórme bıletiniń quny kınoteatrlardaǵy fılmderge barý qunynan asa qymbat emes. Qazirdiń ózinde bılet satatyn operatorlar anyqtaldy, endi sanaýly kúnderden keıin bul týraly tolyq maǵlumat alatyn bolasyzdar», – dedi Ahmetjan Esimov. Basqarma tóraǵasynyń málimdeýinshe, sońǵy ýaqytta EKSPO-2017 kórmesine daı­yndyq barysynda atqarylyp jatqan jumystarǵa otandyq kompanııalar barynsha keńi­nen tartylýda. Qurylys ju­mys­tarynda qazaqstandyq maz­munǵa erekshe mán berilý­de. «2015 jyldyń tamyz aıyna deıin EKSPO qurylysyndaǵy qazaqstandyq mazmunnyń kólemi nólge jaqyn bolǵandyǵyn eske salǵym keledi. Ártúrli sebepterge baılanysty bul rynokqa qazaqstandyq kompanııalardyń «kirýi» tipti múmkin emes edi. О́tken jyldyń tamyz aıynan bastap biz kórmege daıyndyq jumystarynyń barlyq salasyna otandyq kompanııalardy qatystyrýǵa tikeleı jol ashtyq. Biz osy maqsatpen búkil Qazaqstandy aralap shyqtyq. Qazirge deıin barlyq oblystardyń, Astana jáne Almaty qala­larynyń ákimdikterimen ynty­maqtastyq týraly memoran­dým jasaldy. О́zimizdiń bas merdigerlerimizdi qazaq­stan­dyq kompanııalarmen shart jasasýǵa basymdyq berýge kóndirdik», – dep atap kórsetti Ahmetjan Esimov. Baıandamashynyń aıtýy boıynsha, qazir EKSPO-2017 kórmesine daıyndyq bary­syn­daǵy barlyq jumystarda qazaqstandyq kompanııalarǵa basymdyq berilgen. Elbasy «Astana EKSPO-2017» UK» AQ-tyń aldyna EKSPO nysandary qurylysyn salý barysynda qazaqstandyq mazmunǵa barynsha basymdyq berýdi júktegen bolatyn. Búginde kórme qalashyǵy qurylys nysandaryn salýǵa 256 otandyq taýar óndirýshi tartylǵan jáne 35 mıllıard teńge kólemindegi kelisimderge shart jasasqan. Jalpy, kórme qurylysy nysandaryna jáne daıyndyq jumystaryna 255,8 mıllıard teńgeniń qyzmeti kórsetilgen, taýarlar men materıaldar jetkizilgen. Keńes otyrysy barysynda «Astana EKSPO-2017» UK» AQ-tyń satyp alý jónindegi departamentiniń dırektory Anna Boeva, qurylys fırmasynyń basshysy Maqsat Sádýaqasov jáne basqalar sóz sóılep, EKSPO-2017 kórme qalashyǵynyń qurylys nysandary jumysyn júrgizý boıynsha qazaqstandyq mazmundy arttyrý maqsatyndaǵy pikir­lerin ortaǵa saldy. Jylqybaı JAǴYPARULY, «Egemen Qazaqstan»