El kásipkerleri úshin jeńildikter jasalmaq

Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev beınekonferensııa baılanysy rejiminde ótken Eýrazııalyq ekonomıkalyq komıssııa Keńesiniń (EEK) otyrysyna qatysty, dep habarlady Premer-Mınıstrdiń baspasóz qyzmeti. Keńes músheleri taýar­lardyń belgili bir túrlerine olardy engizýdegi kedendik baj salyǵy stavkalarynyń  tómendeýine baılanysty kedendik-tarıftik retteý máselelerin qarady. Osylaısha, qazaqstandyq ká­sip­oryndardyń ótinishi boıynsha 2016 jyldyń 1 qyrkúıeginen 2021 jyldyń 31 tamyzyna deıin Qazaqstan Respýblıkasynyń aýma­ǵyna engiziletin tıtan toty­ǵyn kedendik baj salyǵy­nan bosatý týraly sheshim qa­byldandy. Bul shara óndiris shyǵyndaryn azaıtýǵa, sondaı-aq, otandyq tıtan ónimderin óndirýshilerdiń básekege qabilettiligin arttyrýǵa jaǵdaı jasaıdy. Onyń syrtynda otyrys barysynda elektr qoz­ǵalt­qyshtary bar avtomo­bılder, sol sııaqty otyn retinde tabıǵı gazdy paıdalanatyn kólik quraldarynyń jekelegen jıyntyqtary úshin olardy engizýdegi kedendik baj salyqtarynyń stavkalaryn tó­men­detý jaıy qoldaý tapty. Qazaq­stan úshin bul sharalar «jasyl» ekonomıkaǵa kóshý sheńberinde ba­symdyqqa ıe bolyp tabylady. EEK Keńesiniń mú­she­leri, son­daı-aq, Syrtqy eko­no­mıkalyq qyzmet júıesinde «bir tereze» meha­nızmin júzege asyrý jónindegi egjeı-tegjeı­li is-sharalar jos­paryna qoldaý kórsetti, onyń ózi bıznes-úderisterdi ońtaı­lan­dyrýdyń tıimdi quraly bolyp tabylady jáne odan arǵy jerde eksporttyq-ımporttyq operasııalar kezinde kásipkerlerdiń shyǵyndaryn tómendetýge jaǵdaı jasaıdy.