Qazaqstan Respýblıkasy Aqparat jáne kommýnıkasııalar mınıstrliginiń Baspasóz hatshysy – resmı ókili bolyp Arsen Bektasov taǵaıyndaldy.
Ol 1986 jyly Aqmola oblysynda dúnıege kelgen. 2003 jyly L.N.Gýmılev atyndaǵy Eýrazııa ulttyq ýnıversıtetin «jýrnalıstıka» mamandyǵy boıynsha támamdaǵan. 2008 jyly Ankara ýnıversıtetin bitirgen. Sodan keıin eki jyl «Ál Ibana» arab tili ınstıtýtynda bilim alǵan.
Ár jyldary «Astana», «7 arna» telearnalarynda, QazTAG aqparat agenttiginde eńbek etken, «Na straje» gazetinde, Ishki ister mınıstrliginiń Polısııa.kz», «Býdýshee bez narkotıkov» jýrnaldarynda bas redaktor bolǵan. 2012 jyldan 2014 jylǵa deıin Parlament Senatynyń Baspasóz qyzmeti men Halyqaralyq baılanystar jáne Protokol bóliminde jumys istedi. Sońǵy kezderi Eýrazııalyq Top Baspasóz qyzmeti jáne Basqarma Keńsesinde qyzmet etti. Qazaq, orys, arab, túrik jáne aǵylshyn tilderin meńgergen.
«Egemen-aqparat»