Bir marqaıyp qaldyq

Ishki saıasatta kópultty Qazaq­standa tatýlyqty tarqatpaı, syrt­qy saıasatta ózge memlekettermen dostyq, ekonomıkalyq ártarapty qarym-qatynasty laıyqty jolǵa qoıýdy ustanǵan Qazaqstan óz ıdeıasyn álem elderi aldynda dáleldep keledi. «Qazaqstandaǵy tatýlyqtyń, turaq­tylyqtyń negizi nede? Qandaı maqsattar birneshe ult ókilderin bir shańyraqtyń astyna bir úıdiń balasyndaı uıystyryp otyr?» degen móldir suraqtar qazir kópshiliktiń kókeıinde júr. Ásirese, jary­lys­tar jańǵyryǵy jazyqsyz jan­dardy qynadaı qyryp, jer betin úreıdiń elesi kezgen osy bir kezeńderde beıbitshiliktiń qazaqstandyq úlgisi rasynda tańǵalarlyq. Osy berekeniń máni men mańyzyn túsinbeı júrgender úshin Qazaqstannyń aıtýly Uıymǵa múshelikke tańdalyp, daýys berý nátıjesinde basym daýysty ıe­lenip, tuǵyrǵa kóterilýi tolyqqandy jaý­ap bola aldy dep oılaımyn. Qazaqstan buǵan ózin ózge elderge tanyta alǵan jasampazdyǵymen, bıikten bederli áńgime aıta alatyn biliktiligimen, ózinde ornaǵan beıbitshilikti ózge elderge múmkindiginshe nasıhattaý, shıelenisterdi sheshýge atsalysý yqpaldylyǵynyń moldyǵy nátıjesinde qol jetkize aldy. Qazaqstandy berekeli de baqýatty elge aınaldyryp, álem elderine tanytýda Elbasymyz N.Nazarbaevtyń eńbegi eren. Osy bir aıtýly oqıǵa tusynda eldiń me­reıi, Elbasynyń bedeli úshin barsha Qa­zaqstan halqy bir marqaıyp qaldy deı alamyn. Iýrıı KERJBAÝM «Shalom» evreı etnomádenı birlestiginiń tóraǵasy Mańǵystaý oblysy Mańǵystaý oblysy