Elimizge artylǵan zor senim

  Elbasymyzdyń adam­zatqa beıbit ómir tilegen izgi nıeti BUU tarapy­nan oń qoldaý taýyp otyr. Buǵan elimizdiń BUU Qaýip­sizdik Keńesiniń turaqty emes múshe­ligine saılanýy dálel bola alady. Al­daǵy eki jyl boıy «Álem. HHI ǵasyr» atty manıfesinde kóterilgen máse­lelerdiń sheshimin tabýyna jol ashyl­maq. Qazaqstan tarapynan elderdi bir-birimen jaýlastyrǵan lańkestik áre­ketter men ózge qyr­ǵı-qabaq kózqa­ras­tardyń aldyn alýǵa talpynys jasala­dy. Árıne, beıbitshilikti qalaıtyn bar­sha eldiń basshylary, sarapshylar men ǵalymdar da, tipti bıznesmender men óner qaıratkerleri de, san mıl­lıondaǵan adamdardyń bári de álem­niń tynyshtyǵy úshin bir múddege toǵysady. Qazaqstannyń beı­­bit­shilikti saqtaý jo­ly­n­daǵy baıypty bas­tamalary men taban­dy izdenisterin qol­daıdy. О́ıtkeni, Elbasy óz manıfesinde «Biz balalarymyz ben neme­re­lerimizdiń bola­shaǵy týraly oılaýǵa tıispiz. О́tken ǵasyrlardyń qasiretti qatelikterin qaı­talaýǵa jol bermeı, álemdi soǵys qaterinen túpkilikti aryltý úshin búkil álem úkimetteriniń, saıasatkerleriniń, ǵalym­dary­nyń, bıznesmenderiniń, óner qaıratkerleriniń jáne mıllıon­daǵan adamdarynyń kúsh-jigerin jumyldyrý qajet. Is-áreketsiz otyrý nemese bitimgershilik qyzmetpen aınalysqan keıip kórsetý álemdik apatpen barabar» dep jahan jurtyna úndeý tastaǵan edi. Qazaqstandy ıadrolyq qarýsyz mem­leketke aınaldyryp, álemdik kósh­basshylardyń barlyǵyna úlgi-ónege kórsetken Nursultan Nazarbaev «Biz­der, memleket basshylary men saıasatkerler, adamzattyń bolashaǵy úshin zor jaýapkershilik arqalap otyrmyz. Kóp­tegen tar jol, taıǵaq keshýden ótken adam, saıasatker retinde, Semeı ıadro­lyq polıgonyn jabý týraly kúrdeli sheshim qabyldaǵan memleket qaıratkeri retinde men álemdik lıderler men búkil halyqaralyq qoǵamdastyqqa aqyl-parasatqa júgi­nińder degen tabandy talappen qaırylyp otyrmyn. Adamzatty ajal sepken soǵys qaterinen múlde aryltý úshin qolymyzdan kelgenniń bárin jasaýymyz kerek. Biz úshin qazir jáne taıaý bolashaqta budan kókeıkesti mindet joq», dep jahannyń tynyshtyǵyn saqtaýǵa barshany shaqyrdy. Álemniń tynyshtyǵy úshin kúreske shaqyrǵan Elbasynyń osyndaı ómirsheń usynystary BUU tarapynan qoldaý tapty. Teginde adam qolymen jasalatyn qaýip-qaterlerdiń, lańkestik áreketterdiń aldyn alýǵa barshanyń jumylýy qajet. Sonda ǵana álemde tynyshtyq ornaıdy. Iýrıı KÝSTADINChEV, «Vozrajdenıe» bolgar etnomádenı birlestiginiń tóraǵasy,  Atyraý oblystyq máslıhatynyń depýtaty ATYRAÝ