Jergilikti polısııa jumysqa kiriskeli kóptegen jańalyqtardyń kýási bolýdamyz.
Jýyrda Kókshetaý qalasynyń jasóspirimderi polısııa qyzmetkerlerimen birge oblystyq aýrhananyń travmatologııalyq bólimshesinde boldy. Zardap shekkenderge balalar shaǵyn konsert qoıyp, jol qaýipsizdigi erejelerine qatysty ádebıetterdi taratty. Em qabyldaýshylar nazaryna jas ınspektorlar qyzmeti jaıly beınesıýjet te usynyldy.
– Men baǵdarshamnyń qyzyl belgisine qaramastan qarsy betke júgirip ótpek bolǵanymda, jol-kólik oqıǵasyna tap boldym, – deıdi qalanyń 17 jasar turǵyny. – Osy qylyǵym úshin ókinemin. Qınalyp jatqanymda kishkentaı ini-qaryndastarymnyń kóńilimdi suraǵanyna qýanamyn ári uıalamyn. Qateligimdi ózgelerdiń qaıtalamaýyn tileımin.
Oblystyq IID jergilikti polısııasynyń bastyǵy Janbaı Omarov mundaı qadamdardyń yqpaldylyǵy joǵary ekendigin atap kórsetti.
– Jaıaý júrginshiler tarapynan osyndaı keleńsiz jaǵdaılar azaımaýda. Ákimshilik jaza qoldaný, aıyppul salý óz qaıtarymyn beretin shara bolǵanymen, otbasy qamy, balalarynyń bolashaǵyn oılaýǵa túrtki jasaý sanany silkindiretini anyq, – deıdi ol.
Baqbergen AMALBEK,
«Egemen Qazaqstan»
Aqmola oblysy