Aqtóbe ınvestısııa salýǵa qolaıly da tartymdy oblys bolyp otyr. Sońǵy bes jylda óńirge salynǵan ınvestısııalar 12,6 mlrd AQSh dollaryn quraıdy. Onyń 36 paıyzy nemese 4,7 mlrd dollary sheteldik ınvestısııalardyń úlesine tıesili. Bes jyldyń qorytyndysyna sáıkes sheteldik ınvestısııalar tartý boıynsha Aqtóbe elimizde Atyraýdan keıin ekinshi oryndy ıelendi. Iаǵnı, bul Astana jáne Almaty qalalaryn basyp ozdy degen sóz. О́ńirdiń negizgi ınvestorlary Qytaı, Reseı, Ońtústik Koreıa, Túrkııa jáne basqalar bolyp tabylady.
– Búginde oblysta sheteldik kapıtaldyń qatysýymen 700-den astam kásiporynnyń jumysy qarqyndy júrgizilýde. Olardyń qatarynda CNPS munaı jáne gaz korporasııasy, Eýrazııalyq top (ERG), Reseı mys kompanııasy, sondaı-aq, Ońtústik Koreıa, Túrkııa jáne basqa da elderden ınvestorlar bar. Bul bizdiń óńirde ınvestorlar úshin barlyq jaǵdaıdyń jasalyp jatqandyǵynyń dáleli men olardyń ál-aýqatyn jaqsartý maqsatynda atqarylyp jatqan jumystardyń jemisi, – deıdi oblystyq ındýstrııalyq-ınnovasııalyq damý basqarmasy basshysynyń orynbasary Darhan Ermaǵambetov.
Aıta keteıik, ústimizdegi jyldyń qyrkúıek aıynda «AKTOBE INVEST-2016» IV halyqaralyq ınvestısııalyq forýmy ótti. Forým aıasynda ınvestısııalyq jobalardy júzege asyrý baǵytynda 152,4 mln AQSh dollary bolatyn 14 memorandýmǵa jáne 2 kelisim-shartqa qol qoıylǵan bolatyn.
Satybaldy SÁÝIRBAI,
«Egemen Qazaqstan»
Aqtóbe oblysy