AQSh-ta jańa saılanǵan prezıdent Donald Trampty ulyqtaý rásimi ótti. Saltanatty sharaǵa shaqyrylǵan qonaqtar arasynda burynǵy prezıdentter Djordj Býsh, Bıll Klınton, Djımmı Karter jáne ózge de tanymal tulǵalar boldy. Tramptyń ant berý sátin tamashalaý úshin Vashıngonnyń ortalyǵyna júz myńdaǵan adam jınaldy.
«Men, Donald Tramp, Qurama shtattardyń prezıdenti qyzmetin adal atqarýǵa jáne Qurama shtattardyń Konstıtýsııasyn qoldaýǵa, saqtaýǵa jáne qorǵaýǵa bar kúshimdi jumsaýǵa saltanatty túrde ant etemin», - dedi Tramp.
Aıta keteıik, 70 jastaǵy Donald Tramp osy ulyqtaýdan keıin resmı túrde AQSh-tyń 45-shi prezıdenti qyzmetine kirisip ketti.