Japonııanyń Qazaqstandaǵy Tótenshe jáne ókiletti elshisi Itıro Kavabata «Egemen Qazaqstan» gazetiniń basshysy Darhan Qydyrálige alǵys aıtyp, hat joldady.
"Qazaqstan men Japonııa elderiniń arasyndaǵy dıplomatııalyq qarym-qatynasqa 25 jyl tolýyna oraı «Egemen Qazaqstan» basylymyna aýqymdy maqalamdy jarııalaǵanyńyz úshin alǵysymdy bildiremin. Tikeleı osy maqaladan keıin siz ben bizdiń 2017 jyly atqaratyn mańyzdy jumystarymyzǵa alǵashqy qadam jasalyp otyr, bul úlken qýanysh. Qurmetti Basqarma tóraǵasy, men qazaqstandyqtardy Japonııamen tanystyryp, eki eldiń arasyndaǵy dostyq qatynastardy munan da tereńdete túsý úshin, sizden áriptestik jumystarymyzdy aldaǵy ýaqytta da jalǵastyra berýdi qoldaýyńyzdy ótiner edim. Bıyl dıplomatııalyq qarym-qatynastyń 25 jyl tolýyna baılanysty ótetin is-sharaǵa shaqyramyn", - delingen hatta.