Ýnıversıada-2017 kórsetilimi EUROSPORT 1 jáne 2, CBS (AQSh), CCTV (Qytaı), KBS (Ońtústik Koreıa), Match-TV (Reseı), Eurosport Asia-Pacific (Avstralııa jáne Okeanııa) arnalarynan 80 elde 1 mlrd. telekórermendik aýdıtorııaǵa kórsetildi. Bul týraly Premer-Mınıstr Baqytjan Saǵyntaevtyń tóraǵalyǵymen ótken Úkimettiń kezekti otyrysynda mádenıet jáne sport mınıstri Arystanbek Muhamedıuly málimdedi.
A. Muhamedıuly atap ótkendeı, Ýnıversıada-2017-ge barlyǵy 57 elden 1 632 sportshy qatysty, 3 000-nan astam erikti úles qosty. Ýnıversıadanyń barlyq is-sharalaryna qatynasýǵa 230 myńnan astam bılet satyldy.
2017 jylǵy Búkilálemdik qysqy Ýnıversıada saıystary 8 sporttyq nysanda sporttyń on eki túri boıynsha ótti, olardyń úsheýi - «Almaty arena», «Halyq arena» jáne «Atletıkalyq aýyl» Ýnıversıadaǵa arnap salyndy.
Qazaqstandyq stýdentter quramasynan 12 sport túrine 171 sportshy qatysty. Medaldardyń rekordtyq sanyna – 36 (11 altyn, 8 kúmis jáne 17 qola) ıe boldy jáne jalpy komandalyq eseptiń qorytyndysy boıynsha Qazaqstan 2-shi oryn aldy.