Búgin Japonııanyń Sapporo qalasynda ótip jatqan VIII qysqy Azııa oıyndarynyń sońǵy kúni Qazaqstan qorjynyna jetinshi altyn medal tústi, dep habarlaıdy QazAqparat.
Búgin bıatlonshylarymyz 15 shaqyrymdyq mass-start jarysynan óner kórsetti. Nátıjesinde Iаn Savıskıı barlyq qarsylastaryn qapy qaldyryp, bas júldeni jeńip aldy. Bul Iаn Savıskııdyń VIII qysqy Azııa oıyndaryndaǵy jeke jarystardaǵy úshinshi júldesi. Ol osyǵan deıin bir altyn, bir kúmis júlde jeńip alǵan bolatyn.
Bul synda ekinshi oryndy Qytaı sportshysy Venkıan Vanga ıelense, úshinshi oryndy Japonııa sportshysy Kosýke Ozakı qanjyǵasyna baılady.
Jeńimpazdar men júldegerler:
1. Iаn Savıskıı (Qazaqstan) - 44:12.2 (0+1+1+1)
2. Venkıan Vang (Qytaı) - +41.9 (0+0+1+0)
3. Kosýke Ozakı (Japonııa) - +59.3 (0+2+2+1)
6. Vasılıı Podkorytov (Qazaqstan) - +1:26.3 (1+0+1+1)
8. Anton Pantov (Qazaqstan) - +1:39.4 (2+1+0+2)
10. Maksım Braýn (Qazaqstan) - +2:12.5 (2+1+0+1).