Keshe Shyǵys Qazaqstan oblysynyń Úrjar aýdanynyń Qoja aýylynan ushyp shyqqan jeke adamnyń ıeligindegi S-341 tikushaǵy Aıagóz aýdanynyń Aqshataý aýylyna qonýǵa tıis bolǵan. Tikushaqtyń Aıǵyz aýylynyń ústinen ushyp ótkenin kórgen adamdar bar. Alaıda mejeli jerge jetpegen. Ushqysh saǵat 18:30-da baılanysqa shyqpaǵan. Tikushaq aralyǵy 100 shaqyrymdy quraıtyn Aıǵyz ben Aqshataý aýyldarynyń ortasyndaǵy aýmaqta joǵalýy múmkin dep boljanýda.
Úrjar men Aıagóz aýdandarynyń tótenshe jaǵdaı bólimderiniń qyzmetkerleri qazirgi ýaqytta joǵalǵan tikushaqqa izdestirý jumystaryn júrgizýde. Oblys ortalyǵy - О́skemennen de qutqarýshylar kómekke kelgen. Búgin tańerteń Semeıden MI-17 markaly áskerı tikushaǵy men О́skemennen MI-8 markaly tikushaǵymen Shyǵys Qazaqstan oblystyq tótenshe jaǵdaı departamenti basshysynyń orynbasary bastaǵan qutqarýshylar Aıagózge jetken. Oblystyq tótenshe jaǵdaı departamenti men Aıagózdegi daǵdarys ortalyqtarynda jedel shtabtar qurylǵan. Qutqarý jumystaryna oblystyq tótenshe jaǵdaı departamenti men oblystyq Ishki ister departamentiniń jeke quramynyń 29 adamy men 4 tehnıka jumyldyrylǵan. Oblystyq tótenshe jaǵdaı departamentiniń baspasóz qyzmetiniń taratqan málimetterine súıensek, tikushaq bortynda úsh adam, ıaǵnı, eki jolaýshy men bir ushqysh bolǵan.
Azamat QASYM,
"Egemen Qazaqstan" О́SKEMEN