Astana qalasynyń ákimi Áset Isekeshevtiń tapsyrmasyna sáıkes, ústimizdegi jyldyń basynda «Astana Innovations» AQ bazasynda Astana qalasy ákimdiginiń jobalaý keńsesi quryldy, dep habarlady elorda ákimdiginiń baspasóz qyzmeti.
11 qańtarda ákimdiktiń jalpy jınalysynda Astana qalasy ákimdiginiń jobalaý keńsesiniń tujyrymdamasy tanystyryldy.
«Astana Innovations» AQ Astana qalasy ákimi apparatynyń qoldaýymen jobalardy basqarý ádistemesin engizý boıynsha jumystar júrgizdi.
Jobalardy basqarý ádistemesi jobalardy basqarýdyń ozyq tájirıbesine negizdelgen jáne jergilikti jaǵdaılardy eskere otyryp Astana qalasy ákimdiginiń mamandaryna arnap ázirlengen.
Qańtar aıynan bastap aqpan aıyna deıingi kezeńde ákim apparatynyń, ákimdik basqarmalarynyń jáne vedomstvoǵa qarasty uıymdardyń 140-tan asa ókili oqytyldy.
Qazirgi ýaqytta ákimniń apparaty «Astana Innovations» AQ-ymen birlese otyryp Astana qalasy ákimdigi jobalarynyń portfelin jasaqtady.
Jobalar portfeli kelesi basymdyqty baǵyttar boıynsha 160-tan asa jobadan turady:
1) EKSPO-2017 Halyqaralyq kórmesine daıyndyq boıynsha jobalar;
2) Astana qalasyn damytý boıynsha jobalar;
3) Astana qalasyn smart-sıtı retinde damytý boıynsha jobalar.
EKSPO-2017 Halyqaralyq kórmesine daıyndyq boıynsha jobalar paketinde 50-den asa joba tirkelgen, olar boıynsha naqty mindetter qoıylyp, EKSPO-2017 Halyqaralyq kórmesi bastalǵanǵa deıin iske asyrý merzimderi belgilengen.