Afına Olımpıadasynyń chempıony Baqtııar Artaev WBA (Super), IBO, WBC jáne IBF tujyrymdary boıynsha álem chempıony Gennadıı Golovkın (36-0, 33 KO) men WBA (Regular) belbeýiniń ıegeri Denıel Djeıkobs (32-1, 29 KO) arasyndaǵy jekpe-jekke boljam jasady. Bul týraly baq.kz habarlady.
«Golovkın qarsylasyn besinshi nemese altynshy raýndta nokaýtpen jeńedi dep oılaımyn. Árıne, GGG jekpe-jekti odan da erte, ekinshi raýndta aıaqtaýǵa da múmkindigi bar. Biraq kórermender men jankúıerleriniń suraýy boıynsha bul jolǵy kezdesýin biraz sozatyn sııaqty. Sondyqtan altynshy raýndta utady dep oılaımyn», – deıdi B.Artaev.
Aıta keteıik, qos boksshy arasyndaǵy aıqas 18 naýryzda AQSh-tyń Nıý-Iork qalasyndaǵy Madison Square Garden arenasynda ótedi.