Orynsyz shekteýler – óndiriske qolbaılaý

Aqmola oblysynyń ortalyǵy – Kókshetaý qalasyndaǵy «Qazaqstan Agro Innovasııalyq Korporasııasy» aýyl sharýashylyǵy tehnıkasyn qurastyryp shyǵaratyn kásiporyn qazirgi ýaqytta Belarýs jáne Reseımen birlesip, túrli qural-jabdyqtar shyǵaryp keledi. Bul kásiporynnyń ashylý saltanatyna ótken jyly Memleket basshysy N.Nazarbaev qatysyp, Qazaqstannyń soltústik aımaǵynyń astyqty óńirleriniń aýyl sharýashylyǵy úshin qajetti tehnıka men túrli jabdyqtardyń shyǵaryla bastaýyn agrosektordy ilgeri damytýǵa jańa serpin beretindigin atap ótken bolatyn. Biz óńirlerde saparda bol­­ǵanymyzda, osy ká­sip­oryn­nyń jumysymen ja­qy­nyraq ta­nystyq. Qazirdiń ózinde 1,5 mıllıard teńgeniń ın­ves­­tısııasy tartylyp, jo­­ǵary tehnologııaly jab­dyq­­tar satyp alynǵan. Bul aýyl sharýashylyǵy tehnıkasyn basynan bastap, joǵary deń­geıde shyǵarýdy qolǵa al­ǵan elimizdegi birden-bir ón­diris orny. Osy kásiporynnyń bas­shy­­­la­rymen, mamandarymen, ju­mys­shylarmen pikir al­­­masý ba­rysynda olar Qaz­aq­stan Res­pýblıkasy ın­vestısııalar jáne damý mınıstrliginiń «Arnaıy ın­vestısııalyq jobalar aıa­syn­daǵy ınvestısııalyq pre­fe­rensııa men olardy tir­keý tártibi» jáne «Arnaıy tıp­ti ınvestısııalyq kelisim- shart­t­ardy bekitý tý­ra­ly» buı­ryqtarynyń jo­ba­­­syn­daǵy bos turǵan qoı­ma­­lardyń ıe­le­rine olardy 2012 jyldyń 1 qańtaryna deıin tirkeýden ót­ki­zý jó­nin­de qoıylyp otyrǵan shek­­teý­diń talabyn alyp tas­taý­dy ótinip, osy máselege de­pý­tat­tardyń da nazar aýda­rýyn su­rady. Bul shekteý ká­sip­oryn­dy Keden odaǵy jáne alys-jaqyn shetelderdiń ózge de taýar ımporttaýshylary men taýar óndirýshileri aldyn­da teńsizdik jaǵdaıǵa tirep otyr­ǵan kórinedi. Álemdik tájirıbe kórsetip otyr­ǵandaı, kásiporyndarǵa mem­lekettik qoldaý kórsetýdiń belgili bir merzimnen «ne buryn, ne keıin ashylǵan» dep mundaı shekteý qoıý joq eken. Eger de osy talap óz kú­shinde qalatyn bolsa, ká­sip­oryn qazirgi ýaqytta ón­di­riste jumys istep júrgen 100-den astam adamdy qys­qar­týǵa májbúr bolyp, shy­ǵa­ra­tyn tehnıkany tek qana shet­­ke jóneltýmen ǵana aın­a­lys­paqshy. Osyǵan oraı, Inves­tı­sııa­lar jáne damý mınıstri J.Qasymbekke depýtattyq saýal joldap atalǵan máseleni te­reńirek zerdelep, otandyq ká­sip­oryn ujymynyń usy­nys­ynyń oń sheshilýin qa­ra­s­tyrýyn ótindim. Saýaldy árip­te­sim Rashıt Ákimov te qoldap, qo­lyn qoıdy. Mınıstr bul má­seleni tereńnen zerdeleıtin shyǵar degen úmitimiz bar. Jabal ERǴALIEV, Senat depýtaty