Qazaqstandaǵy eńbek naryǵyndaǵy jastardyń úlesi 27 paıyzdan 24,6 paıyzǵa qysqardy. Sonyń ishinde densaýlyq saqtaý, shıkizattyq sektor men sýmen qamtý salalarynda jas mamandar az.
Eńbek naryǵyndaǵy ekinshi trend - mamandar kásipkerlikten bas tartyp, jaldamaly jumysqa kóbirek ketýde.
Qazaqstandaǵy jumyspen qamtý qurylymyndaǵy jas mamandar 2015 jyldyń 4 maýsymynan 2016 jyldyń sońyna deıin 27 paıyzdan 24,6 paıyzǵa azaıdy.
2016 jyly eldegi jumys isteıtin jastar sany 8 paıyzǵa azaıdy. Al ekonomıkadaǵy jalpy jumys isteıtin azamattar sany 0,1 paıyzǵa kóbeıdi.
Sońǵy bes jylda Qazaqstandaǵy eńbek naryǵyndaǵy jumyskerlerdiń ortasha jasynyyń qartaıýy erekshe baıqalady. 2011-2016 jyldar aralyǵynda jalpy jumyspen qamtylǵan azamattar sany 5 paıyzǵa kóbeıse, osyndaı jastardyń sany 2 paıyzǵa azaıǵan.
Qazirgi tańda, sonymen qatar, jastar kásipkerliktiń bolashaǵyna kúmánmen qarap, shama kelgenshe jaldamaly eńbekti jón kóredi. Jumysqa qabiletti jastar óz betinshe emes, jaldamaly jumysqa aýysýda. Sońǵy bes jylda 15-28 jas aralyǵyndaǵy jaldamaly jumysshy jastar sany 21 paıyzǵa (278 myń) kóbeıse, ózin ózi ju9myspen qamtýshy jastar sany 40 paıyzǵa (331 myń) azaıdy.
Qazirgi tańda ózin ózi jumyspen qamtýshy jastar sany 15-28 jas aralyǵyndaǵy barlyq jumys kúshiniń 23 paıyzyn quraıdy. 2000 jyldardyń basynda jastardyń 42 paıyzdan astamy óz betinshe eńbek etkender edi.
Jańǵyrtý 3.0 aıasynda QR Úkimeti 2017 jyldan bastap ónimdi eńbek jáne jappaı kásipkerlikti damytý baǵdarlamasyn iske asyra bastaıdy.
Atap aıtar bolsaq, qala men aýyldaǵy QR azamattary óz kásibin ashý úshin 16 mln teńgege deıin shaǵyn nesıe ala alady. Joba aıasynda nesıelendirý geografııasy keńeıtilip, olardyń qarjylyq saýaty men kásipkerlik negizderin oqytýǵa mán berilmek.
Salalyq naryq boıynsha jastardyń betburysy negizinen qarjy jáne saqtandyrý (barlyq salanyń 31 paıyzy); kásibı jáne ǵylymı sala (30 paıyz) jáne telekommýnıkasııa salasynda (29,9%).
Jastardyń eń az baratyn salasy sýmen qamtý (16,5%), taý-ken ónerkásibi (18,2%) jáne densaýlyq saqtaý(19,2%).