Káspqoı boksta birinshi orta salmaqtaǵy WBO Intercontinental jáne WBA Fedelatin belbeýleriniń ıegeri Qanat Islam erejesiz jekpe-jekten Qazaqstan atynan shyǵyp júrgen Arman Ospanovqa qoldaý bildirdi.
«Arman, sen qazaqtyń batyrysyń! Sen chempıonsyń! Ony qanshama ret dáleldediń. Álemdik dodalarda el namysyn qorǵadyń, kók týdy jelbirettiń. Qazaqtyń judyryǵy aýyr, jigeri myqty, namysty ult ekenin moıyndatqan jaýjúrek sportshysyń. Rıng syrtynda da kúres bar. Bul aıqasta da jaýyrynyń jerge tımeıtinine senemin. Shyn myqtyǵa túrli synaqtar keledi. Bul jerde de qasqaıyp turyp berý kerek. Bul jerde de eńseni tik ustaý kerek. Moıymaý kerek. Álemdik arenada áli de ulttyń abyroıyn asqaqtatyp, týyn jelbiretý úshin saǵan bul synaqty da jeńý mindet. О́ziń úshin emes, artyńnan erip kele jatqan, eliktep júrgen inileriń úshin, ultyńnyń keleshegi úshin saǵan toqtamaý kerek. Álsizder ǵana ár sózge alańdap, kim ne dep jatyr dep jaltaqtap júredi. Suńqar bıikte samǵaıdy. Sen batyrsyń. О́zińniń ornyń bar. Ony eshkimge berme! Myqty ekenińdi áli talaı dáleldeısiń. Ol kún de alys emes! Men saǵan senemin!", - dep jazba qaldy Qanat Islam óziniń Instagram paraqshasynda
Aıta keteıik, erejesiz jekpe-jekten WSOF óziniń 35-shi týrnırine qatysatyn sportshylardyń tizimin shyǵardy. Bir ókinishtisi, Arman Ospanov pen Stıven Rodrıgez jekpe-jegi enbedi. Mundaı jaǵdaıdyń bolýyna otandasymyz Arman Ospanovtyń qanynan dopıng tabylýy sebep bolyp otyr.
WSOF basshysy Reı Sefo qazaqstandyq sportshynyń Marokkoda ótken əskerı sambodan əlem birinshiliginen keıin qanynan dopıng tabylǵanyn jáne tórt jylǵa sporttan shettetilgenin málimdedi.