Qylmys kóbeıip, polısııa qyzmetkerleri azaıyp barady

– О́skemen qalalyq jol-patrýldik polısııasy batalonynda qazir kadr tap­shy­lyǵy qatty sezilip otyr. Batalon qu­­ramynda búginde 341 qyzmetker bar. Ár rotada elý shaqty polısııa jol, kóshe qaý­­ip­sizdigin qamtamasyz etip keledi. Dál búgingi kúni bizge 47 polısııa qyzmetkeri kerek, osynshama polısııanyń, ıaǵnı bútindeı bir rotanyń orny bos tur, – dedi О́skemen qa­lalyq IIB jergilikti polısııa qyzmetiniń bas­shysy Aleksandr Sokolovskıı jaqynda Qo­ǵamdyq keńes músheleriniń qatysýymen ót­ken jıynda. Jergilikti polısııa qyzmeti basshy­sy­nyń aıtýynsha, mamandardyń tap­shy­lyǵyna basty sebep – olardyń alatyn eń­bekaqylarynyń mardymsyzdyǵy. Máse­len, qatardaǵy batalon polısııalarynyń jalaqysy bar-joǵy 60 myń teńge kórinedi. Alek­sandr Sokolovskıı bul qyzmette n­egizinen aýdandar men aýyldardan kelgen jas­tar eńbek etetinin, alaıda, olardyń bas­pana máselesi sheshimin tappaı otyrǵanyn, úı jaldaýǵa tapqan jalaqylarynyń jet­peı­tinin kóldeneń tartty. – Mine, qazir 30-40 adamnyń jumystan ketýge oraı jazyp bergen ótinishi aldymda jatyr. Onyń bárin qoıa bersek, múl­de mamansyz qalamyz. Páter jaldaý aqy­syn tóleýge jeńildikter berý jaǵy qaras­ty­ryl­maı keledi. Qyzmetke turý úshin jas jigit­terdiń áskerde bolýy da basty shart, – dedi ol. Maman máselesi sheshimin tappaı otyrsa da, óskemendik jol polısııalary óz min­det­terin múltiksiz atqaryp keledi. Máselen, qaladaǵy jol júrý erejesin buzý faktileri bıyl byltyrǵy jylmen salystyrǵanda birshama tómendegen. Qańtar aıynyń qorytyndylary О́skemende ótken aıda jol júrý erejesin buzý faktileri 2016 jyldyń atalǵan merzimimen salystyrǵanda 24,3 paıyzǵa azaıǵanyn kórsetip otyr. О́skemen qalalyq jol-patrýldik polısııasy batalony quramy byltyr qańtar aıynda 4 883 jol erejesin buzý faktisin anyqtapty, bıylǵy kórsetkish – 3 697. Jaqynda oblystyq ákimdikte ótken jıyndardyń birinde Shyǵys Qazaqstan oblystyq IID jergilikti polısııa qyz­me­tiniń bastyǵy Dýlat Qazaqpaev 2016 jy­ly óńirde oryn alǵan qylmystyq kór­set­kishterge toqtalyp, oblys ortalyǵy – О́skemen qalasynyń oblysta qylmys ja­saýdan kósh basynda turǵanyn tilge tıek etken-di. Onyń aıtýynsha, aımaqta 202 beınebaqylaý kameralary ornatylǵan, so­nyń arqasynda 255 qylmystyń izi sýy­m­aı ashylyp, 20 236 ákimshilik quqyq bu­zý­shylyq anyqtalǵan eken. Jergilikti po­lısııa qyzmetiniń bastyǵy qoǵamdyq oryn­dar (3,3) men kóshelerde (14,8) oryn ala­tyn qylmystardyń deńgeıi birshama tó­mendegenin de atap ótken bolatyn sol jıynda. Bul derekterdi bekerge keltirip otyrǵan joqpyz. Biz sóz etip otyrǵan jol-patrýldik polısııasy tek jol-kólik erejelerin bu­z­ǵan­dardy anyqtaýmen ǵana emes, qala kó­she­lerindegi, turǵyn úılerdiń aýlalary men qoǵamdyq oryndardaǵy qaýipsizdikti qam­ta­masyz etýmen aınalysatyny da belgili. End­eshe, qylmystyq kórsetkishter boı­y­n­­- sha óńirde kósh bastap turǵan О́skemen qa­lasynyń quqyq qorǵaý organdaryndaǵy ma­man jetispeýshiliginiń túıinin tarqatý ke­zek kúttirmeıtin ózekti másele ekeni anyq. Azamat QASYM, «Egemen Qazaqstan» О́SKEMEN