Birinshi aýyr salmaqta boksshy Beıbit Shúmenov burynǵy bapkeri Kevın Barrıdiń qol astynda jattyǵatyn boldy. Bul týraly qazaqstandyq sportshy ınstagramdaǵy paraqshasynda málimdedi.
«2010 jyly álem chempıony atanýyma septigin tıgizgen burynǵy bapkerim Kevın Barrımen qaıta jattyǵatynyma qýanyshtymyn. Sonymen qatar, jańa áriptesterim – WBO nusqasy boıynsha aýyr salmaqta álem chempıony Djozef Parkermen jáne jartylaı aýyr salmaqta IBO belbeýiniń ıegeri Omar Salamovpen birge jumys isteımin», – dep jazdy boksshy.
Kevın Maıkl Djozef Barrı (1959 jyly týǵan) – jańazelandııalyq jattyqtyrýshy, menedjer, eks-boksshy. Beıbit Shúmenov 2010 jyly birinshi aýyr salmaqta WBA nusqasy boıynsha alǵashqy belbeýine qol jetkizgen.
Al 2014 jyly Beıbit kýbalyq maman Ismaıyl Salasamen birge jattyǵýdy bastady.m