33 banktiń tek 11-ine ǵana halyqtyń depozıttik salymy kóbeıgen, dep jazady rating.kz.
Bólshek salym naryǵynda sońǵy 20 aıda alǵash ret tómendeý baıqaldy. 2017 jyldyń qańtar aıy qorytyndysy boıynsha, Qazaqstandaǵy EDB-degi (ekinshi deńgeıli bankter) jeke tulǵalardyń salymy 2,6 paıyzǵa (208,2 mlrd teńge) azaıyp, 7,7 trln teńgeni qurady.
33 banktiń tek 11-i ǵana "plıýste". Salystyrý úshin aıta keteıik, ótken jyldyń qańtarynda halyqtyń salymy 308,8 mlrd teńgege (4,5%) kóbeıip, 7,2 trln teńgege jetken edi. Ol kezde 33 banktiń 28-inde ósim baıqalǵan.
Jalpy, 2016 jyly jeke tulǵalardyń jınaqtarynyń kólemi 1,0 trln teńgege artty.
Jeke tulǵalardyń salym kólemi jaǵynan AsiaCredit banki kóshbasshy. Ondaǵy salym kólemi bir aıda 8,3 mlrd teńgege (15,6%) ulǵaıyp, 61,5 mlrd teńgege jetti. Al jalpy kólemi boıynsha bul bank 16-orynnan 15-ke kóterildi.
Onyń artynsha Turǵyn úı qurylys jınaq bankinde 6,3 mlrd teńge (1,5%) kóbeıý bar. Ondaǵy jalpy salym kólemi 416,8 mlrd teńge. Bul bank jalpy kólemi jaǵynan 7-orynda.
Úzdik úshtikti Kaspi bank qorytyndylaıdy. Ondaǵy salym kólemi 5,9 mlrd teńgege (0,8%) ulǵaıyp, 744,4 mlrd teńgege jetti. Jalpy tizimde ol 3-orynda.