Qazaqstandyq bankter úshin 2017 jyl aýyr bolady. Oǵan sebep IJО́ kóleminiń tómendigi, teńge baǵamynyń jıi aýytqýy men shıkizattyń tómen quny. Munyń bári bank sektorynyń ósimine, tabysy men aktıv sapasyna keri áserin tıgizbek, dep jazady Standart & Poors reıtıngtik agenttigi.
«Bizdiń pikirimizshe, Qazaqstan bank sektorynyń basty problemasy nesıelik táýekeldiń tym joǵarylyǵy. Resmı statıstıkaǵa súıensek, problemalyq nesıeler kólemi bankterdiń nesıelik portfelderiniń 25-30 paıyzyna deıin jetedi. Bul bankterdiń nesıe naryǵynyń túbine jetýi múmkin. Bul nesıeler negizinen burynǵy jyldary berilgen jáne búginge deıin osy másele sheshimin tappaı otyr. Ol kezde bankterdiń tutynýshylarǵa talaby tym jumsaq bolǵandyqtan nesıe naryǵy osyndaı problemaǵa tap boldy", - deıdi agenttik sarapshylary.
S&P málimetinshe, bankter óz balanstaryn tazalamaıynsha, bank sektoryndaǵy jaǵdaı durystalmaıdy.
«Qazirgi tańda el bıligi bank sektoryna taǵy 2 trln teńge bólý máselesin qarap jatyr. Bul problemalyq nesıelerdi jabý úshin bólinbek. Degenmen, bul qarjy iri jáne mańyzdy bankterge ǵana berilmek. Ulttyq bank stress testileý men saraptama júrgizse, naryqta belgisiz bolyp kelgen talaı problemalyq nesıe ashylar edi. Jalpy, Qazaqstandaǵy bank júıesi memlekettiń qamqorlyǵyna ábden muqtaj bolyp otyr", - deıdi agenttik.