Orta salmaqta WBA (Super), IBO, WBC jáne IBF belbeýleriniń ıegeri Gennadıı Golovkınniń (36-0, 33 KO) bapkeri Abel Sanches shákirtiniń kelesi qarsylasy WBA (Regular) belbeýiniń ıegeri Denıel Djeıkobsty (32-1, 29 KO) merziminen buryn jeńetinine senimdi.
«Dennıdiń laıyqty túrde qarsylyq kórsetedi dep senemin. Biraq aıqastyń ekinshi bóliginde, shamamen jetinshi jáne toǵyzynshy raýndtardyń arasynda Gennadııdiń basymdyǵy sezilip, Djeıkobstyń ókilderi aıqasty toqtatýǵa májbúr bolady. Nemese ol joıqyn soqqylardan esinen tanýy múmkin», – dep jazady BoxingScene.com basylymy.
Aıta keteıik, qos boksshynyń arasyndaǵy aıqas osy senbide Madison Square Garden arenasynda ótedi. Elimizde bul jekpe-jekti «Qazaqstan» jáne «KazSport» telearnalary jeksenbi kúni 08:00-de tikeleı efırde kórsetedi. Al HBO arnasy AQSh-ta aqyly júıe boıynsha taratady.
Osy keshtiń anderkartynda shyǵatyn boksshylar týraly myna jerden bilýge bolady.