Ford kompanııasy 2019 jyldan bastap Qytaıda Lincoln lıýks krossoverlerin shyǵara bastamaq, dep jazady Fortune basylymy.
Krossoverdiń jańa modelin Ford avkonserni Qytaıdyń Changan Automobile kompanııasymen birlesip Chýnsındaǵy zaýytta shyǵarmaq. Ford sonymen qatar Soltústik Amerıkadaǵy óndirisin de jalǵastyra bermek.
Qytaıda óndiris bastaý arqyly Ford kompanııasy Qytaıdyń 25 paıyzdyq ımporttyq baj salyǵyn tóleýden qutylyp, osynyń arqasynda Audi, Mercedes-Benz jáne BMW kólikterimen básekege túse alady. Aıta keteıik, qazir atalǵan úsh kólik Qytaıdaǵy lıýks kólikterdiń 75 paıyzyn quraıdy.
2016 jyly Qytaıda jol talǵamaıtyn kólik túrlerine degen suranys erekshe artyp, qazirgi tańda bul kólik túrleriniń naryqtaǵy úlesi 15 paıyzǵa jetti.