Aımaq basshysy kásiporynnyń óndiristik bóligin aralap kórip, dári-dármek pen medısınalyq qural-jabdyqtyń óndirilý barysymen tanysty.
Aıta keteıik, atalǵan kásiporyn 2005 jyly "Bıznestiń jol kartasy - 2020» memlekettik baǵdarlamasy aıasynda ashylǵan bolatyn. Búginde óndiris orny rentgen apparattary men medısınalyq jıhaz- jabdyqtar shyǵaryp, dárilik ónim óndirýmen aınalysady. Halyqaralyq standartqa sáıkestik sertıfıkatyn alǵan zaýyt búginde elimizdegi aýrýhanalar men emhanalardy ÝDZ apparatynan bastap operasııa bólimine qajetti qural-jabdyqtaryna deıin qamtyp otyr. Sońǵy úlgidegi ınnovasııalyq jobalardy iske asyrýda kásiporyn Japonııa, Ispanııa, Koreıa syndy alpaýyt memleketterdiń zaýyttarymen tyǵyz baılanysta jumys isteıdi. Búginde munda 150-ge jýyq adam eńbek etedi.
«Kásiporynnyń jumysy júıeli. О́nimderi de suranysqa ıe. Munda jasalynatyn qondyrǵylar ozyq sheteldik qurylǵylardan kem túspeıdi. Memleket tarapynan qoldaý kórip otyrǵan kásiporyn jedel-járdem kóligin bastan aıaq jabdyqtap, qajetti quraldarmen qamtamasyz etýge qaýqarly. Qanshama otbasyny jumyspen qamtyp, tabysyn eselep otyr. Eń bastysy – kásiporyn basshylyǵynda izdenis pen umtylys bar», - dedi Janseıit Qanseıituly.
Qazirgi tańda “QazMedPrıbor” mekemesinde medısınalyq qural-jabdyqtyń 400-den asa túri shyǵarylady. Jalpy zaýyt jylyna 60 myń dana medısınalyq tehnıkany shyǵarýǵa qaýqarly. Sondaı-aq, munda jedel-járdem kóligine qajetti quraldardan bólek, elektrokardıograftar, medısınalyq monıtorlar jasalady. Ári sapaly, ári baǵasy kóńilge qonymdy kásiporynnyń ónimine degen suranys jyl sanap artyp keledi. Búginde zaýyt ónimderine Reseı, О́zbekstan, Tájikstan men Túrkimenstan syndy kórshiles elderden suranystar túse bastaǵan.