− Qazaqy naqyshtaǵy kıimderdi zamanaýı stılmen úılestirý, ásirese qyz-kelinshekter arasynda sánge aınalyp keledi. Ýnıversıtet stýdentteri ishinde qazir kúndelikti kıim syrtynan qazaqy qamzoldy kıip júretinder kóp. О́zderine óte jarasady. Arýlarymyz qazirden ulttyq beınemizdi birizdi etýge yqylasty. Zamanaǵa saı sándi kelbet qalyptastyryp, ony názik áshekeı buıymdarmen aıshyqtaı túsýde. Ulttyń urpaǵyn tárbıeleıtin qyzdardyń syrt kelbetiniń mánine ónegelik turǵydan qaraǵany durys,− deıdi «Qyz Jibek» klýbynyń tóraıymy Qazyna Iаhýdaeva.
Jaqsy isti «Qyz Jibek» klýbynan keıin osy oqý ornynyń Ǵylymı kitaphana ujymy, odan keıin stýdentterge ulttyq salt-dástúr, qolónerdi: shı, gobelen, kilem toqý, keste tigý, toqyma toqý, túrli ulttyq kıimder úlgisin tigýdi úıretetin «Kásiptik bilim» kafedrasynyń ustazdary qýana jalǵastyrdy.
«Kásiptik bilim» kafedrasynyń meńgerýshisi Rahııa Dármenova Qyzdar ýnıversıtetiniń qolóner sheberleri, tiginshi, dızaıner bolam degen stýdentteri búginde túrli ismerlik baıqaýlardyń jeńimpazdary ekenin aıtady.
Igi bastamaǵa qatysty belgili etnograf-ǵalym, Qazaq ulttyq ádet-ǵuryp, salt-dástúr akademııasynyń akademıgi Ǵalııa Qaıdaýylqyzy: «Bul aksııa ótetin de ketetin shara bolmaýy tıis. Kıim – árbir adamnyń kelisti kelbetin qalyptastyratyn, árbir ult pen ulystyń arǵy tegin, bergi talǵamyn, tanymyn úılestiretin, sony basqa jurtqa tanytatyn jaı ǵana bozbúrshik emes, halyqtyń jan dúnıesi, ómirlik ustanymy jáne sol halyqtyń ózine ǵana tán bet-kelbetin aıqyndaıtyn belgisi. Kıine bilý degen deneńdi, tándi ǵana jabý emes, ózindik ónegeniń bir salasy bolýy kerek», deıdi.
Ýnıversıtet qabyrǵasynda «Qyz qylyǵy», «Bulbul qyzdar», «Sheber qyzdar», «Nazqońyr», «Izdenis», «Injý-marjan», «Úmit» sııaqty úıirmeler jumys isteıdi.
Aınash ESALI,
«Egemen Qazaqstan»
ALMATY