Astana qalasynyń ákimi Áset Isekeshev elordadaǵy sý tasqyny qaýpi tolyq baqylaýda ekendigin málimdedi.
Shahar basshysy qala ákimdiginde Aýyl sharýashylyǵy mınıstrligi Sý resýrstary komıteti ókilderiniń, Sátbaev atyndaǵy qalalyq kanal basshylyǵy men basqa da arnaıy qyzmet ókilderiniń qatysýymen arnaıy baspasóz máslıhaty ótkenin eske alyp, shara aıasynda mamandar Astana sý qoımasynda qalyptasqan jaǵdaıdy túsindirgenin tilge tıek etti.
Tolassyz jaýǵan jańbyrǵa baılanysty Esil ózenine 13-15 sáýir kúnderi 340 mln tekshe metr kólemde sý qosylǵan. Qazgıdromet ortalyǵynyń mamandary 100-160 mln tekshe metr kóleminde sý keledi dep boljaǵan bolatyn. Alaıda, kúnniń kúrt jylynýyna baılanysty qardyń erýi de jyldamdaǵan. Osy sebepti, tasqyn sý qory kútken kólemnen mol bolǵan.
Qazir Astana sý qoımasyna kelip jatqan sýdyń kólemi sekýndyna 150-200 tekshe metrdi qurap otyr. Onyń barlyǵyn sý qoımasynda saqtap qalý múmkindigi bar. Jalpy, Astana sý qoımasynyń syıymdylyǵy 410 mln tekshe metr bolsa, ol jerde búginde 385 mıllıon tekshe metr sý toltyrylǵan. Iаǵnı, taǵy 25 mln tekshe metr sý syıymdylyǵy bar degen sóz. Búginde jaǵdaı baqylaýda. Astana qalasynda sý tasqynyna qarsy jedel shtab jumys isteýde jáne olar keshendi josparyn, tıisti jumystaryn júzege asyrýda.
Nurlybek DOSYBAI,
«Egemen Qazaqstan»
ASTANA