Qundylyqtaryn qasterlegen memlekettiń mereıi ústem

– Qazaqstan halqy Assam­b­­leıas­y­nyń HHV sessııasynan ne kú­tesizder?

Leo ShIK,

Qazaqstan halqy Assam­b­leıa­synyń mú­she­si, qoǵamdyq ke­li­sim jónindegi ob­lys­tyq keńestiń tó­raǵasy, sessııa de­legaty:

– Bul jıyn­nan bizdiń kú­te­ri­miz kóp. Bul basqosýdyń bu­ryn­ǵy bas­­qo­sý­lardan máni óz­ge­rek bolaryna kú­­mánimiz joq. El­basymyz, Qa­zaq­s­tan hal­qy Assambleıasynyń Tó­raǵasy Nursultan Nazarbaev jaqynda ǵa­na bar­sha qazaq­stan­dyqtardy rýhanı jań­ǵyrýǵa bas­taıtyn, taǵylymdy tarıhy­myzdy ta­razylaýǵa, el men jerdi q­a­di­r­lep, qas­ter­leýge shaqyratyn, HHI ǵa­syr­daǵy rý­hanı bet-beınemizdi aı­qyn­daı­tyn baǵ­darlamalyq maqalasyn ja­rııa et­ti. Aldaǵy alqaly jıynda Prezıdent álem­­niń damyǵan 30 eliniń qataryna ený­­­ge jol ashatyn strategııalyq qu­jat­ty júzege asyrýdyń naqty jolda­ryn nus­qap, Assambleıa múshelerine tyń min­detter júkteıdi dep oılaımyn.

Ravıl IýNÝSOV,

Shyǵys Qa­zaq­­­stan obly­sy Qa­zaq­stan ha­l­qy Assam­b­leıa­synyń jas­tar lı­­gasy tó­ra­ǵa­sy­nyń oryn­ba­­sa­ry, tatar et­no­má­denı bir­les­ti­gi­niń múshesi, sessııa delegaty:

– Qazaqstan hal­­qy Assam­b­leıa­­synyń ár bas­qo­sýynyń ózin­dik orny bar. Ses­sııa­nyń ár jı­yny óz­geshe óte­di. Al­qa­ly jı­yn­dy asy­ǵa, ta­­ǵat­syz­da­na kú­­te­­ti­nimiz sodan bol­­sa kerek. Bı­yl­ǵy basqosý, sóz joq, El­ba­­s­ynyń jýyqta bas­pasóz betinde ja­ryq kór­gen «Bola­shaq­qa baǵ­dar: rýhanı jań­­ǵy­r­ý» atty ma­qalasyn keń kólemde tal­qy­laýǵa arna­la­dy dep oılaımyn.

– Memleket basshysynyń «Bo­l­a­shaq­qa baǵdar: rýhanı jańǵyrý» atty baǵ­dar­l­a­malyq maqalasynyń mán-mańyzy nede dep oılaısyzdar?

Leo ShIK:

– Atalǵan maqalada Elbasy pragmatızm máselesine erekshe ekpin beredi. «Pragmatızm – ózińniń ulttyq jáne jeke baılyǵyńdy naqty bilý, ony únemdi paı­dalanyp, soǵan sáıkes bolashaǵyńdy jos­­parlaı alý, ysyrapshyldyq pen as­tam­shylyqqa, dańǵoılyq pen ker­deń­dik­ke jol bermeý degen sóz», dedi. Men aıtar edim, naǵyz pragmatık ol – bizdiń Prezıdent. Ol kisiniń erekshe qasıeti, bo­lashaqty boljaı biledi. «Áýeli – eko­nomıka, sodan keıin saıasat», dedi. Ekonomıkany kóterdi, eldiń ál-aýqatyn jaqsartty. Odan keıin saıasatqa da kezek kelip, eldiń bas qujaty – Konstıtýsııaǵa ózgerister engizilip, Parlament pen Úkimettiń quzyreti keńeıtildi.

Endi, mine, rýhanı jańǵyrý máselesi halyqtyń nazaryna usynylyp otyr. Rýhanı, ulttyq qundylyqtaryn qas­ter­legen eldiń qaı kezde de mereıi ús­tem. Elbasy Uly Dalanyń uly ta­rı­hyn ulyqtaýǵa, týǵan jerge tý ti­gý­ge shaqyryp otyr barshamyzdy. Prezıdenttiń: «О́tken HH ǵasyr hal­qy­myz úshin qasiretke toly, zobalań da zul­mat ǵasyr boldy», deýinde úlken mán ja­tyr. Rasynda, qıyndyqtar kóp boldy. Bir ǵana soǵys jyldaryn alyp qarańyz. Qan­shama ulttar týǵan mekeninen ajyrap, Qazaqstanǵa kúshtep jer aýdaryldy.

Alaıda, baýyrmal qazaq halqy bó­tensiń dep eshqaısysynyń keý­de­sinen ıtergen joq. Barymen bólisti. Qam­qor­lyǵyn kórsetti. Sonyń nátıjesinde olar aıaq­tarynan qaz turyp, ósip, órkendedi. Biz qazaq halqynyń bul qamqorlyǵyn umy­týǵa tıisti emespiz. Alǵys aıtýǵa tıis­piz. Osydan bir-eki jyl buryn koreı ul­ty ókilderiniń bastamasymen qazaq jerine deportasııalanǵan ulttar men ulystar atynan «Qazaq halqyna myń alǵys» atty eskertkish ashyldy. Bul – urpaqqa úlgi bolarlyq dúnıe, qıyn kezde pana, saıa bolǵan ultqa degen qurmet.

Ravıl IýNÝSOV:

– Prezıdent maqalasy men sekildi jas­tardyń ǵana emes, búkil halyqtyń kó­ńi­lindegi dúnıelerdi dóp basqan sekildi. Ási­rese, jastardyń bilim kók­jıegin ke­ńeıtýge qatysty aıtqan sóz­­deri zamandas­tarymdy beı-jaı qal­dyr­maıtyny anyq. «Tabysty bolýdyń eń irgeli, basty faktory bilim ekenin ár­kim tereń túsinýi kerek. Jastarymyz ba­symdyq beretin mejelerdiń qatarynda bi­lim árdaıym birinshi orynda turýy sha­rt. Sebebi, qundylyqtar júıesinde bi­limdi bárinen bıik qoıatyn ult qana ta­bys­qa jetedi», – dedi Elbasy.

Rasynda da, biz, jastar bilimdi bol­ma­s­aq, kóp til bilmesek, básekege qa­bi­letti bola almaımyz. 

Jazyp alǵan Azamat QASYM, 

«Egemen Qazaqstan»

О́SKEMEN