Kezdesýge Qazaqstan Respýblıkasynyń Syrtqy ister mınıstri Q.Ábdirahmanov, Qytaı Halyq Respýblıkasynyń Syrtqy ister mınıstri Van I, Qyrǵyz Respýblıkasynyń Syrtqy ister mınıstri E.Abdyldaev, Reseı Federasııasynyń Syrtqy ister mınıstri S.Lavrov, Tájikstan Respýblıkasynyń Syrtqy ister mınıstri S.Aslov, О́zbekstan Respýblıkasynyń Syrtqy ister mınıstri A.Kamılov, Shanhaı yntymaqtastyq uıymynyń bas hatshysy R.Alımov, Shanhaı yntymaqtastyq uıymynyń О́ńirlik antıterrorlyq qurylymynyń atqarý komıtetiniń dırektory E.Sysoev, Qazaqstan Respýblıkasy Prezıdentiniń halyqaralyq máseleler jónindegi kómekshisi N.Onjanov qatysty.
Qazaqstan Prezıdenti quttyqtaý sózinde uıymnyń Astanadaǵy sammıti qarsańynda Shanhaı yntymaqtastyq uıymyna múshe memleketterdiń syrtqy ister mınıstrleri kezdesýi ótýiniń mańyzdylyǵyn atap ótti.
– Shanhaı yntymaqtastyq uıymyna tóraǵalyq etýshi el retinde biz bıylǵy maýsym aıynda ótetin sammıtke zor mán berip otyrmyz. Uıymǵa bizdiń tóraǵalyǵymyz óńirdegi jáne álemdegi qıyn úderister kezeńimen tuspa-tus keldi, – dedi Memleket basshysy.
Nursultan Nazarbaev Shanhaı yntymaqtastyq uıymynyń kún tártibindegi birqatar máselege toqtalyp ótti. Bul rette Shanhaı yntymaqtastyq uıymynyń qorshaǵan ortany qorǵaý salasyndaǵy yntymaqtastyǵy tujyrymdamasyn bekitý jumystaryn jandandyrý, uıymnyń ekstremızmge qarsy turý jónindegi konvensııasyna qol qoıý jáne osy týraly málimdeme men uıymǵa múshe memleketterdiń nashaqorlyqqa qarsy kúres strategııasyn qabyldaý máseleleri qamtyldy.
– Shanhaı yntymaqtastyq uıymy aıasyndaǵy ekonomıkalyq jáne mádenı-gýmanıtarlyq yntymaqtastyqtyń mańyzy zor. Aldaǵy sammıttiń kún tártibindegi ózekti máselelerdiń biri retinde Úndistan men Pákistandy Shanhaı yntymaqtastyq uıymynyń tolyqqandy músheligine qabyldaý úrdisin aıaqtaý týraly sheshim jóninde de aıtyp ótken jón. Sondaı-aq, keleshektegi josparlarymyzdy aıqyndaıtyn Astana deklarasııasyn qabyldaýdy kózdep otyrmyz, – dedi Qazaqstan Prezıdenti.