Bári de tanys beıneler

Prezıdenttik mádenıet ortalyǵynyń kórme za­lyn­da sýretshi Tańsyq Má­jıtovanyń «Adam. Ýaqyt. Dáýir» atty jeke kórmesi ashyldy. Belgili tulǵalardy beıneleıtin kórmede portretter qaz-qatar tizilip tur. Quddy bir portretter galereıasy dersiń. Taǵy bir qyzyǵy – olardyń eshqaı­sysy altyndalǵan ramaǵa sa­lyn­ba­ǵan. Sóıtsek, ol jurt na­zaryna usynylǵan eńbektiń ta­bı­ǵı­lyǵy men sýretshiniń ereksheligin bildiredi eken. Bul úr­disti soń­ǵy jyldary Eýropa jıi qol­danatyn kórinedi. Tańsyq Májıtovanyń portretter ga­lereıasy Qazaqstannyń halyq jazýshysy Ábish Kekilbaevtan bastalypty. Odan ári jez­tań­daı ánshi Bıbigúl Tóle­genova, ataqty akter Asanáli Áshimov, kórnekti ǵalym, zańger Salyq Zımanov, tuńǵysh ǵarysh­ker Toqtar Áýbákirov, aqyn Farıza Ońǵarsynova jáne basqa da memleket qaıratkerleri men sport sheberleriniń sýretteri bo­lyp jalǵasyp kete beredi. Bul portretterde sýretshi ómir­degi árbir kórinisti názik sezine kele, adamnyń minez-qulqyn, tipti keıipkerdiń ózi sezip-bile bermeıtin erekshelikterin de asha bilgen. Kórmeniń ashylýynan keıin bizge sýretshige jolyǵyp, birer suraq qoıýdyń sáti túsken. – Portretterdi salý bary­synda qandaı maqsat ustan­dyńyz? – Bıyl el táýelsizdigine 20 jyl tolady. Meniń sýret­terim­niń ıdeıasy da osy mereke taqy­rybymen astasyp jatyr. О́ıt­keni, kez kelgen dáýir tynysyn adam jasaıdy. Iаǵnı, tulǵalar arqyly dáýirdi qabyldaımyz, sezine alamyz. Men de osy tulǵalardyń portretteri ar­qyly kórmeni tamashalaý­shy­larǵa Qazaqstannyń 20 jyldyq kezeńiniń tynysyn jetkizgim keldi. Onda da halyqqa jaqyn, kórermenderge qyzyqty, eline belgili adamdardy salýǵa bel býdym. Qo­lymnan qanshalyqty kele aldy, bilmeımin. Baǵasyn kórermender bere jatar. – Tańdaǵan keıipkerlerińiz siz­di qandaı qasıetterimen qy­zyqtyrdy? – Men qoǵamnyń barlyq sa­­la­syn qamtýǵa tyrystym. О́ner, sport, ádebıet, quqyq, kıno, saıasat jáne basqa da salalarda qyz­met istep júrgen jarqyn tul­ǵalardy tańdadym. Mysaly, Ábish Kekilbaev, Farıza Ońǵar­synovalardy bilmeıtin jan kem­de-kem. Al Jaqsylyq Úsh­kem­pirov keńestik kezeńde tuń­ǵysh olımpıada chempıony atan­ǵan bolsa, Ǵalym Baınazaruly Qazaq­stannyń bank júıesiniń atasy. Qazaqstandaǵy bank isiniń bas­taýynda turǵan bul kisige Ulttyq bank júıesi qa­ryz­dar desek te bolady. Qaıyrbek Súleımenov bol­sa, qazaqtyń tuńǵysh Ishki ister mınıstri. Jalpy, men sal­ǵan portret keıipkerleri el táýel­siz­digine eń­bek sińirgen tulǵa­lar. Basqasha aıtsam – sımvol. Qazaq­tyń sımvolyna aınalǵan jandar­dy tikeleı «óz nusqa­larynan» saldym. О́ıtkeni, portret – tabıǵı túrde salynatyn dúnıe. Taǵy bir erekshe aıta ketetin jáıt, Asan­áli Áshimov aǵamyzben jasa­ǵan jumys ma­ǵan óte unady. Ol kisimen birge obraz izdedik. Maǵan aǵa­myzdyń beınesi jolaýshy-júrginshini elestetti. – Bul kórme basqa qala­larda kórsetile me? Taǵy kim­derdiń portretterin salǵy­ńyz keledi? – Ol jaǵy áli belgisiz. Jurt nazaryna endi usynylyp jatyr ǵoı, jurt yqylasy qandaı bol­maqtyǵyn keıinirek aıtý kerek sııaqty. Kórmege tamashalaýǵa kelgen Oralbaı Ábdikárimov, Farıza Ońǵarsynova, Myrzataı Joldasbekov, Qýanysh Sultanov, Saýyt­bek Abdrahmanov sekildi zııaly­ qaýym ókilderi óz pikirleri men súısinisterin, sondaı-aq sýretshi qoltańbasy týraly óz oılaryn bir-birimen bólisip jatty. Myń­jyldyq basyndaǵy Qa­zaq­stan­nyń ólsheýsiz rýhanı baı­lyǵyn, jarqyn bolashaqqa degen umty­lysy­ men senimin kóz aldy­ńyz­ǵa ákeletin portrettik galereıa kórermender nazaryna 27 maýsymǵa deıin usy­nylmaq. Venera TÚGELBAI. Sýretterdi túsirgen Orynbaı BALMURAT.