Kezekti «Qazaq kúntizbesi» shyqty

Ádette kúntizbeler ýaqyttan ozyńqyrap jaryq kóredi. Qajet kezinde paıdalaný úshin ol tu­tynýshy-oqyrmannyń qolyna erterek tııýi kerek. Osyndaı maq­satpen aldaǵy 2012 jylǵy arnal­ǵan «Qazaq kúntizbesi» «Qazaq­stan» baspa úıi» baspasynan ja­ryqqa shyqty. Uqypty adamǵa, tipti bir otbasyna, mekemelerge jyl boıy serik bolatyn, qyzmet etetin osy­naý qural-kitap jyl saıyn qolǵa tıgende, osy kúntizbeni óz qoly­men jasap kele jatqan qarymdy qalamger Nurmahan Orazbekke rıza bolasyń. Ultymyzdyń bir kundylyǵyna aınalǵan osynaý bir sharýany mynaý tıyn sanaǵan zamanda paıdasy joq dep jolǵa tastamaı, jalǵap kele jatqanyna (kezinde bir-eki jyl úzilis te bolǵan) rahmet aıtasyń. Jalpy kúntizbeni shyǵarý ońaı da sharýa emes eken. Ony shyǵarýshylardyń aıtýyna qara­ǵanda, eń qıyny taratý kórinedi. Jaryq kórdi ǵoı, jurt erteli-kesh ala jatar deıtin emes, ol kelesi jyldyń basyna deıin tutyný­shy­nyń qolyna tımese mánin joıady. Burynǵy josparly zamanda poshta arqyly tarasa, qazir baspanyń ózi taratady. Al oǵan baspanyń múmkindigi tym shekteýli. Osyn­daı kerek dúnıe jaryqqa shy­ǵyp­ty, ony óz aımaǵymyzdyń hal­qy­na jetkizýge muryndyq bolaıyq­shy deıtin basshy azamattar ta­bylsa dep armandaıdy baspagerler. Endi osy kúntizbeniń maz­muny­na az-kem toqtalǵan jón bolar. Eń aldymen ol kúnniń shyǵýy men batý merzimin dál kórsetetin qural retinde sharýa baqqan adamnyń qajetin óteıdi. Jalpy ýaqytyn qadirleıtin adam únemi oǵan qarap otyrady. Al biz, qalyptasqan dástúr bo­ıynsha kúntizbeden elimizde bolǵan aıtýly oqıǵalardan, esimin el qadirleıtin qaıratker­leri­mizdiń ómirinen, ásirese olardyń múshel toıy qarsańdarynda maǵ­lumattar alýdy jón sanaımyz. Jalpy múshel toı degende, sol ardaqtylarymyzdyń 70, 80, 90 jastaryn ataǵan jón ǵoı, sóıtse de ǵasyrlyq jastyń orny bólekteý. Sol aldaǵy jylda talaı qaıratkerlerimizdiń 100 jyl­dyqtary atap ótiledi eken. Eń aldymen qazaqtyń atyn álemge tanytqan uly tulǵamyz Din­mu­hamed Ahmetuly Qonaevtyń 100 jyldyǵy jyl basynda atap ótiledi. Kúntizbeniń eki beti osy­naý oqıǵaǵa arnalypty. Muny da uly tulǵaǵa oryndy baǵa dersiń. Ataqty óner tarlandary, jez­tańdaı ánshilerimiz Kúlásh Baı­seıitova men Jamal Omarovanyń, myń buralǵan bıshimiz Shara Jıenqulovanyń, ǵylymnyń bıigine kóterilgen Shapyq Shokın men Ýfa Ahmetsafın syndy ǵalymdarymyzdyń, eline ólsheý­siz qyzmet etken saıası qaırat­kerlerimiz Fazyl Káribjanov pen Ilııas Omarovtyń 100 jyl­dyq­­t­aryn elimiz atap ótedi, olardyń ómirlerin jas urpaqqa ónege etedi. Olar týraly jazýdyń da túrli joly bar. «Qazaq kúntizbesin» quraýshylar ádettegideı tym resmılep, olardyń atqarǵan isin tolyq tizip shyǵýǵa boı urmaı, erkindeý, sol tulǵalarymyzdyń qo­ǵamdaǵy ornyn adamı turǵyda sıpattap kórsetýdi jón sanaǵany da oryndy-aý dersiń. Áńgime nazar aýdarýda. Jan-jaqty maǵ­lu­mat­tardy basqa jaqtan izdeýge jol ashýda. Kúntizbeni aqtarǵan adam odan kóp nárse tabady. Basqarý óneri jaıly ulylardyń ulaǵaty, ǵy­lym salalary, kóp taraǵan aýrý­lardy qarapaıym emdeý joldary, babalardan jetken sóz, qazaqtyń maqal-mátelderi, ezý tartqyzar ázilder, balalarǵa – bazarlyq, za­la­ly joq, paıdasy kóp keńester – bári osynda jáne de resmı emes, janyńa jaqyn tıer qarapaıym da shuraıly tilmen órnektelip jazylǵan. Bul kúntizbe-kitapty alǵan adam ókinbeıdi, kóp adam­ǵa onyń qajettigi bar. Tek bir ókinish – taralymy az, bar-jo­ǵy 8 myń (onyń 2 myńy memlekettik tap­syrys). Odan da ótken ókinish – sol az dep qomsyn­ǵan tara­lym­nyń óziniń ótýi qıyn kórinedi. Mamadııar JAQYP.