Jaıly páterlerge ıe boldy

Oblys ortalyǵynda 126 páterli 9 qabatty úı paıdalanýǵa berilip, petropavldyqtar úlken qýa­nysh­qa bólendi. Onyń ashylý saltanatyna aımaq bas­shysy Serik Bilálov qatysyp, qonysta­ný­shy­lar­ǵa páter kiltterin  tabys etti. Qalanyń shetkeri «Iýbı­leı­nyı» shaǵyn aýdanynda boı kótergen jal­gerlik-kommýnaldyq baspana aldymen kóp balaly otba­sy­larǵa, aýǵan soǵysy men Chernobyl apatyn joıýǵa qatysýshylarǵa, múgedekter men ata-ananyń qamqor­lyǵynsyz qalǵan jandarǵa, bıýd­jettik sala qyzmet­ker­lerine berildi. Bul kúni baspana kezegin 20 jyldan asa kútken ınter­na­sıo­nalıst-jaýynger Valerıı Do­lınınniń qýany­shynda shek bolǵan joq. Sol sııaqty Kenjebaevtar men Sırotkınderdiń kóp balaly otba­sylary da  jaıly páterlerge qonys­tan­dy.  Qonys­ta­ný­shylar atynan múgedek jan Marhaba Syzdyqova sóz alyp, Elbasyna degen rızashylyq sezimin bildirdi. О́mir ESQALI, Soltústik Qazaqstan oblysy.