Mádenıet jáne aqparat mınıstrligi janyndaǵy «Jastar» ǵylymı zertteý ortalyǵy «Turan-Astana» ýnıversıtetimen birlesip, jańa Konstıtýsııa jobasy men jalpyulttyq referendým jóninde «Jastar X» dıalog alańynda stýdent jastarmen kezdesý ótkizdi.
Kezdesý barysynda «Turan-Astana» ýnıversıtetiniń rektory, ekonomıka ǵylymdarynyń kandıdaty, professor Gúljamal Japarova, «Qazcontent» AQ basqarma tóraǵasy Aına Zadabek, «Jasyl el» jastar eńbek jasaqtarynyń respýblıkalyq shtabynyń basshysy Nurasyl Bekmatov sóz sóıledi. Spıkerler jańa Konstıtýsııanyń jobasy týraly egjeı-tegjeı aıtyp, jalpyulttyq referendým azamattardyń, ásirese jastardyń quqyqtyq mádenıetin damytýdaǵy mańyzdy qadam ekenin atap ótti.
«Jastar» ǵylymı zertteý ortalyǵynyń dırektory, dıalog alańynyń moderatory Gúlishan Nahbaeva ortalyqtyń ǵylymı zertteý qyzmeti jáne sıfrlyq resýrstar týraly aqparat usyndy, sondaı-aq «Jastar AI» vırtýaldy keńesshisiniń jobasyn tanystyrdy.
Ortalyq dırektory atap ótkendeı, jobanyń negizgi maqsaty – jastardy qoldaý baǵdarlamalaryn qosa alǵanda, memlekettik jastar saıasaty týraly aqparattyń qoljetimdiligi men sapasyn qamtamasyz etý. Chat-botty qosa alǵanda, jasandy ıntellekt bazasyndaǵy vırtýaldy konsýltant qazaq, orys jáne aǵylshyn tilderinde konsýltasııalar beredi.
Kezdesý sońynda sarapshylar stýdentterdiń qoıǵan suraqtaryna jaýap bere otyryp, konstıtýsııalyq reformany ári qaraı talqylaýdyń mańyzdylyǵyn, olardyń el damýyna yqpaly men búgingi jastarmen ótken kezdesýdiń kóńilden shyqqanyn jetkizdi.
Is-shara qorytyndysynda «Jastar» ǵylymı zertteý ortalyǵy men «Turan-Astana» ýnıversıteti ǵylymı yntymaqtastyq týraly memorandýmǵa qol qoıdy.