Sandyq basqarý júıesi búgingi kún talabynan shyǵyp otyr

Oral óńirinde bıylǵy birinshi jartyjyldyqta iske qosyl­ǵan ınvestısııalyq jobalardyń arasynda gaz aıdaý agre­gat­ta­ry­na arnalǵan týrbınaly jáne kom­pressorly qalaqtar óndi­ri­si­niń orny aıryqsha. Osy arqyly ol elimizdiń ındýstrııalandyrý kartasynyń bel ortasynan oıyp oryn alyp otyr. Sonymen birge jańa óndiris sońǵy kezde óris ala bastaǵan «Bıznestiń jol kar­tasy-2020» baǵdarlamasyn is­ke asyrýdaǵy irgeli qadam bolýy­men de erekshelene alady. – Atalmysh jobany óndiriske engizý arqyly respýblıkada tuń­ǵysh ret týrbınaly jáne kom­pres­sorly qalaqtar shyǵarý múm­kindigi jasaldy. Oǵan ger­ma­nııalyq qondyrǵylar qoıylǵan. Eń bastysy, ol sandyq júıe arqyly basqarylady. Álemdik ólshemderge saı keletin jańa joba iri kásiporyndardyń ma­ńa­ıynan shaǵyn jáne kishi ón­di­rister qurý jónindegi Elbasy tapsyrmasyna saı iske asty, –dedi gazet tilshisine Batys Qazaq­stan oblysy ákiminiń birinshi orynbasary Nurlan Noǵaev. Elimizde balamasy joq biregeı jobanyń taǵy bir artyq­shy­lyǵy – asa qatty, myzǵymas metaldardy óńdeýge jol asha­tyn­dyǵy. Osy kúrdeli úrdiske qoldanylatyndyǵy. Osynaý teń­desi joq sheteldik qondyrǵyny óndiriske ornyqtyrý arqyly mun­tazdaı tazalyqtyń shyn má­nindegi joǵarǵy satysyna jáne metaldy óńdeýdiń mıkrondyq dáldigine qol jetkizýge bola­tyn­dyǵy óz aldyna bir bólek áńgime. Jańa tehnologııanyń sońǵy úlgisi boıynsha jumys isteıtin nysan óndirisshilerden joǵary biliktilik pen kásibı sheberlikti qa­jet etetini aıtpasa da belgili. Osy oraıda munda bıik óndi­ristik talaptar deńgeıine jaýap bere ala­tyn qazaqstandyq ma­man­dar­dyń jumys istep jat­qa­nyn atap aı­tý­ǵa turarlyq másele. Olardyń bári de Germanııada ar­naıy oqý kýrs­tary men ázirlik­ten ótkizilgen. Týrbınaly jáne kompres­sor­ly qalaqtar óndirisi tutastaı el ónerkásibine nendeı úles qosyp, nendeı yqpalyn tıgize alady? Bul saýaldyń jaýaby da meılinshe qarapaıym. Ári oǵan qaıta­rylar jaýap ta qazirdiń ózinde ázir deýge bolady. Iаǵnı res­pýb­lıkadaǵy sarapshy mamandar jo­ǵaryda atalǵan ónim túri boı­ynsha jańa ınvestısııalyq joba Qazaqstannyń ulttyq kompa­nııa­larynyń qajettiligin tolyqtaı óteı alady dep uıǵarym jasap otyr. Sonymen birge ony eks­portqa shyǵarýdyń tıimdi de oń­taıly joldary qarastyrylǵan. Dál qazirgi kúni jańa óndiris ónimi, sonyń ishinde teplovoz­dardyń dvıgatelderine arnal­ǵan qalaqtar «Qazaqstan temir joly» UK» AQ-qa jóneltilýde. Sondaı-aq aldaǵy ýaqytta týr­bınaly qalaqtarmen «Intergaz Ortalyq Azııa» AQ júıesin jab­dyqtaý jaǵy da oılastyrylǵan deıdi mun­daǵy óndiris jetekshileri. Biregeı óndiris ornynyń jyl­­dyq óndiristik qýaty bes myń dana týrbınaly qalaqtar shyǵarýǵa laıyqtalǵan. Muny qundyq uǵ­ym-túsinikke saıǵanda 600 mıllıonnan astam teńgeni quramaq. Jo­banyń quny 414 mıllıon teńge. Taýar óndirýdegi qazaqstandyq úlestiń kólemi jetpis paıyz qu­raıdy. Búgingi kúnge deıin jańa jumys or­nyn­da úsh myńnan astam týrbınaly qalaqtar shyǵa­ryl­ǵan. Eger osy qarqynynan tó­mendemese, joba­ny iske asyrý­shy­lar jyldyq mejeni arty­ǵy­men alatyny ańǵarylady. Túıip aıtqanda, ınnovasııa­lyq óńirde tusaýy kesilgen qa­nat­qaqty ınvestısııalyq joba ım­portta­la­tyn taýarlar kólemin edáýir qys­qartýǵa jol ashty. Sonymen birge eksportqa laıyq­talǵan ónim­der­diń úles salma­ǵynyń artýyna al­ǵysharttar qa­lady. Buǵan qosa jańa jumys oryndary ashylýyna ári sa­lyq­tyq túsimder arqyly bıýdjet qorjynyn tolyqtyrýǵa septigin tıgizdi. Temir QUSAIYN, Batys Qazaqstan oblysy. Sýrette: jobaǵa sáıkes or­natylǵan qondyrǵy.