Taǵy da taıfýn tónip keledi

Okınava prefektýrasyndaǵy Mınamı Daıto aralynan Japonııanyń negizgi araldaryna qaraı kúshti tropıkalyq taıfýn tónip keledi. Tabıǵı apat soqqysy seısenbiden sársenbige qaraǵan túni 20 shil­dede Japonııanyń ortalyq, shyǵys jáne ońtústik-shyǵys bó­lik­terine kelip jetedi dep kútilýde. Ulttyq meteorologııa agent­ti­giniń málimetteri boıynsha, Ma-on taıfýny saǵatyna 20 shaqyrym jyldamdyqpen jyljyp keledi. Sıklonnyń ortasynda  jel  saǵatyna 126 shaqyrymǵa jetse, shet jaqtarynda jyldamdyq saǵatyna 90 shaqyrym bolyp otyrǵan kórinedi. Kıýsıý, Sıkoký jáne Amamı araldary jaǵalaýynda kóterilgen tolqynnyń bıiktigi 9-12 metrge deıin jetken. Birqatar prefektýralardaǵy bılik ózderine qarasty aýmaqtardy jańa tabıǵat apatyn qarsy alýǵa daıyndaýda. Mundaı saqtyq sharalarynan 11 naýryzdaǵy tabıǵat apatyna urynǵan «Fýkýsıma-1» stansasy da beıtarap qalǵan joq.  Mamandar AES nysandaryn aldaǵy nóser jańbyrǵa daıyndaýda. «Talıban» jaýapkershilikti ózderine aldy «Talıban» qozǵalysynyń ókili prezıdent Hamıd Karzaıdyń keńesshisi Djan Mohammad Hannyń ólimine qatys­ty jaýapkershilikti ózderine alatyn­dyqtaryn habarlaǵan. Shabýyl 17 shilde kúni keshkilik Aýǵan­stan­nyń Kapısa provınsııasynda oryn alǵan bola­tyn. Bes adam el prezıdenti Hamıd Karzaıdyń keńesshisiniń úıine basa-kóktep kirip, Djan Mohammed Handy, kúzetshini jáne aýǵan parlamentiniń tómengi palatasynyń depýtaty Mohammed Hashem Vatanvaldy atyp  ketken. Sońǵy málimetter boıynsha, qaza bolǵan saıasatkerdiń úıiniń janynda qarýly qaqtyǵys oryn alǵan kórinedi. Kelip jetken polıseıler qylmyskerlerdi ǵımarat ishinen shyǵarmaı qorshaýǵa alyp, onyń sońy atysqa ulasqan. Sońǵy kezderi Aýǵanstanda memlekettik  qyzmetshilerge  qarsy  shabýyl­dar men jarylystar kúsheıip tur. Mýbaraktiń densaýlyǵy qalaı? Egıpette  eldiń  eks-prezıdenti Hosnı Mýbaraktiń  densaýlyǵy týraly  áńgime  taǵy da  qozǵala  bastady. Jaqynda onyń avdokaty Fred ad-Dıb eldiń burynǵy bas­shysynyń jaǵdaıy aıaq astynan nasharlap, onyń es-tússiz kúıge túskenin habarlaǵan. Biraq bul aqparatty Egıpettiń densaýlyq saqtaý mınıstrligi teriske shyǵaryp otyr.  Al qazirgi ýaqytta  Mýbarak emdelip jatqan Sharm-esh-Sheıh aýrýhanasynyń bas dárigeri bolsa naýqastyń jaǵdaıy birqalypty dep málimdegen.  Aıta ketý kerek, ústimizdegi jylǵy 3 tamyzda Mýbarak pen onyń eki uly sot aldynda jaýap berýge tıis. Olarǵa ústimizdegi jy­l­dyń qańtar aıynda bolǵan qarsylyq aksııasy kezinde ereýilshilerge qarsy qatań sharalar qoldandy degen aıyp taǵylyp otyr. Qytaı narazylyq bildirdi Prezıdent Barak Obamanyń býdda­shylar kósemi Dalaı lama HIV-pen kezdesýine baılanysty Qytaı AQSh-qa narazylyq bildirdi. «Amerıka jaǵy Qytaıdyń  eleýli narazy­lyq pen usynys bildirgenine qaramastan  birbetkeılik  tanytyp,  Aq úıde Barak Obama men Dalaı lamanyń kezdesýin uıymdastyrdy. Ol QHR-dyń ishki isine dóreki túrde aralasý bolyp tabyldy. Ol qytaı halqynyń sezimin qor­lap, Qytaıdyń túbegeıli  múddelerine,  Qytaı-Amerıka  qa­rym-qatynastaryna eleýli nuqsan keltirdi»,  dep atap kórsetilgen QHR-dyń Syrtqy ister mınıstrliginiń málim­demesinde. Qytaı syrt­qy saıasat vedomstvosynyń málimetteri boıynsha, QHR Syrt­qy ister mınıstriniń orynbasary Sýı Tıankaı jeksenbi kúni ta­ńer­teń AQSh-tyń Qytaı isi jónindegi ýaqytsha senimdi ókilimen kez­d­esken. Dalaı lama AQSh-qa býddalyq is-sharalarǵa qatysý úshin kelgen bolatyn. Rýmynııada poıyz tonaldy Rýmynııa ókimeti poıyz vagonynan iri kólemde áskerı zymyrandardyń bólshekteriniń urlanǵandyǵy jónindegi derekti moıyndady. Degenmen, sheneýnikter urlanǵan, osyǵan deıin habarlan­ǵan­daı, oqtumsyqtar emes, «Grad» dúrkindete atý zymyrandyq júıe­sine arnalǵan jarǵyshtar ǵana  ekenin  habarlaǵan.  Oqıǵa poıyz Djýrdjý ýeziniń Stanesht stansasyna kelgen sátte oryn alǵan. Qarý-jaraqtyń urlanýyna baılanysty Rýmynııanyń áskerı pro­kýratýrasy tergeý isin bastady. Zań saqshylary poıyz qura­myn on jandarmnan turatyn bólimsheniń kúzetkenin anyqtaǵan. Soǵan qaramastan, belgisiz bireýler vagonnyń esigin buzyp, já­shikterdi alyp ketken. Tergeýshiler bul metall synyqtaryn ur­laýmen aınalysatyn syǵandardyń áreketi degen uıǵarym jasap otyr. Jańa qolbasshy keldi 18 shilde kúni dúısenbide AQSh pen NATO kontın­gentiniń qolbasshysy general Devıd Petreýs óz ókilettigin resmı túrde general Djon Allenge tapsyrdy. Sarapshylardyń paıymdaýynsha, Allen­niń NATO kontıngentine qolbasshylyqty qa­by­l­dap alýy Islam respýblıkasynda, atap aıt­­qan­da, Pandjshır jáne Bamıan provınsııalaryndaǵy qaýip­siz­dikke qa­tysty ahýaldyń ýshyǵýymen tuspa-tus kelip otyr. NATO ásker­leriniń burynǵy qolbasshysynyń terrorızmge qarsy kúreste armııa aıtarlyqtaı tabystarǵa jetti dep málimdegenine qaramastan, elde taıaýda bolǵan oqıǵalar onyń sóziniń ras ekendigine kúmán týdyryp otyr. Sebebi, shilde aıynda Aýǵanstan prezıdenti Hamıd Kar­zaı­dyń inisi óz kúzetshisiniń qolynan qaza tapsa, jeksenbi kúni pre­zıdenttiń keńesshisi Djan Mohammed Han men parlament depýtaty atyp óltirildi. Al Aýǵanstandaǵy amerıka­lyq áskerler sanyn 30 myń adamǵa kóbeıtýge úles qosqan Devıd Petreýs bolsa, eline oraly­symen ortalyq barlaý basqarmasynyń tizginin qolyna almaq. Qutqarý jumystary jalǵasýda Jer astynda qalyp qoıǵan eki shahterdi izdestirýdi jedeldetý úshin qutqarýshylar  «Vorkýtaýgol» AAQ-tyń «Severnaıa» shahtasynyń úıindilerin aınalyp ótip alǵa qaraı jyljý jóninde sheshim qabyldaǵan. Qazirgi ýaqytta izdeý-qutqarý jumystaryna tótenshe jaǵdaı­lar mınıstrliginiń árqaısysy bes adamnan turatyn eki birdeı bó­lim­shesi tartylyp otyr. Belgili bolǵan málimetter boıynsha, qut­qarýshylarǵa tótenshe jaǵdaı oryn alǵan shahtanyń kenshileri de kómektesýde. Mamandar shamamen alǵanda 50 metr bolatyn úıin­dini ótken kórinedi,  degenmen áli de 15 metr alǵa jyljý kerek. Jer astynda qalǵan shahterler áli tiri degen úmit te joq emes. Aıta ketý kerek, 16 shilde kúni «Severnaıa» shahtasynda 740 metr tereńdikte jynys qabaty qulap, 76 kenshi dabyl boıynsha shuǵyl túrde joǵaryǵa shyǵarylǵan bolatyn. Búgingi kúni jer astynda qalyp qoıǵan shahterlerdi izdestirý jalǵasýda. Internet materıaldary negizinde ázirlendi.