Elorda– Táýelsizdiktiń boıtumary

Búgingi Qazaqstan – áleýmettik-ekonomıkalyq damýy qarqyndy, qoǵamdyq-saıası qurylymy berik, bar­lyq kedergiden ótip, turaq­ty­lyq pen yntymaqtyń, bir­liktiń týyn tikken, álem ta­ny­ǵan el. Sol eldigińdi aına­la­ńa moıyndatý qıynnyń qıy­ny. Biz el bolǵanymyzdy álemge mo­ıyndattyq. Onda Elbasynyń eren eńbegi, sara saıasaty ólsheýsiz! Bul ha­lyqtyń mereıin arttyryp, Kókbaıraq­tyń astyna tyǵyz toptastyra tústi. Elbasynyń salıqaly saıasatynyń arqasynda Qazaqstan halqynyń ál-aý­qaty jaqsaryp, ekonomıkalyq damý qa­r­qyny eselendi. Búginde álem alpaýyt­tarymen ıyq tirestire órleýimiz de Ult kóshbasshysynyń jemisti eńbegi. Táýel­sizdik alǵan 20 jyl ishinde qazaq eliniń álem qaýymdastyǵy aldyndaǵy baǵyt-baǵdary aıqyndalyp, ekonomı­ka­lyq saıasaty naqtylandy. Az jylda Qa­zaq­stannyń qol jetkizgen jetistigi tý­raly fransýzdyq Martın Stıff «Ke­ńes odaǵy ydyrap, kommýnızm qulaǵan soń Qazaqstan nebary jıyrma jylda táýel­siz memleket bolyp quryldy. Buǵan deıingi qazirgi zaman tarıhynda ol esh­qashan táýelsiz bolyp kórmegen edi. Demo­kratııany, saıası sanalylyq pen erkin naryqtyq ekonomıkany qurý­dy nól­den bastaýǵa týra keldi. Osyny esepke ala kelgende, Qazaqstan bul salalarda ósýge qol jetkizdi, asa úzdik jáne oń tabys boldy», dep jazdy. Bu­dan da tereń aıtylǵan pikirler qanshama. Búginde Astana kúnin merekeleý arqyly qazaqstandyqtardyń boıynda óz Otanyna degen maqtanysh sezimin oıatýǵa, bolashaǵyna senimmen qaraýǵa, aza­mat­tardyń memleket bolashaǵyn qu­rý túsinikterin qalyptastyrýǵa múm­kin­dik týdy. Astana – bul keń daladaǵy jaı qala ǵana emes, saıası erik-jiger kó­rinisiniń nyshany. Onyń keleshegi jańa ǵasyrdyń enshisinde jatyr. Qazir álem elderimen terezemiz teńesti. Kórkeıgen elge aınaldyq. Urpaǵymyz maqtan tutatyn qala ornyqty. Jyl saıyn Astana kúnin merekelep kelemiz. Bul asta­na­lyqtardyń ǵana emes, búkil qazaq­standyqtardyń merekesi ekeni daýsyz. Arqa tósinen álemge tańdaı qaqtyr­ǵan jańa Astananyń salynǵany Elbasy «Erke Esil jaǵasynda boı kótergen, erekshe sáýletti landshafty bar, biregeı músindik nyshandary sap túzegen, jo­ǵary tehnologııaly, bolashaqqa qol sozǵan, ózgeni syılap, óziniń jańa As­ta­na­sy men óz elin sheksiz maqtanysh tuta­tyn kóp ultty jáne kóp dindi halqy bar ásem de meıirli Astana ... Bizdiń Astana sáýlet óneriniń jaýhar týyndylaryna, úzdik úlgidegi eskertkishterine, alýan gúldermen órnektelgen baý-baqshaǵa oranǵan, Shyǵys pen Batystyń eń ozyq, rýhanı qundylyqtaryn tal­ǵam­men boıyna jı­na­ǵan joǵary mádenıetti qa­­laǵa aınaldy», dep atap kórsetedi. Buǵan alyp qosarymyz joq. Astanany kórgen kez kelgen estetıkalyq tal­ǵam ıesi qazaq degen ha­lyqtyń Astana da sala ala­tynyn, «Orda» da tur­­ǵyza alatynyn jal­paq álemge pash etkenin erekshe senimmen qabyl­daıdy. Mine, osy taby­sy­myzdy jas urpaqtyń sanasyna jetkizý ustaz­dardyń enshisinde ekendigi anyq. Osy oraıda óńirdegi balalar úıi men mektepterde «Qazaqstan – birlik pen yntymaq­tyń mekeni», «Astana – ha­lyq­­tyń rý­hanı-máde­nı or­­talyǵy», «Biz As­ta­naǵa qarap oı túzeı­miz», ta­ǵy basqa ta­qy­ryp­tarda dóń­gelek ús­­tel­der, jıyn­­dar ót­kizip, elimizdiń órkendeýi men gúl­denýine baı­lanysty derek pen dáıekti ortaǵa saldyq. Ásirese, ja­s­tardyń jigerli sózi úlken áserge bóledi. Jetisý jerinde osyndaı bilimdi, bilikti jas­tardyń qa­lyp­ta­s­qany qýantady. El Táýel­siz­diginiń 20 jyldaǵy jetistikterine jan-jaqty toq­talyp, jastardyń eljan­dy­lyq qa­sıetterin oıatý­dy bas­shylyqqa alǵan jumysymyz óz jemisin bergeni úlken baqyt. Gúlnar Ermekbaeva, Almaty oblystyq balalar quqyqtaryn qorǵaý departamentiniń dırektory. Almaty oblysy.