«Men búgingi zamandastarymyzdyń jetistikteriniń tarıhyna da nazar aýdarýdy usynamyn. Bul ıdeıany «Qazaqstandaǵy 100 jańa esim» jobasy arqyly iske asyrǵan jón. Elimizdiń Táýelsizdik jylnamasy jazyla bastaǵanyna nebári 25 jyl boldy. Bul – tarıh turǵysynan qas-qaǵym sát desek te, elimiz úshin ǵasyrǵa bergisiz kezeń... Shyn máninde, Qazaqstannyń árbir jetistiginiń artynda alýan túrli taǵdyrlar tur. «Qazaqstandaǵy 100 jańa esim» jobasy – Táýelsizdik jyldarynda tabysqa jetken, elimizdiń ár óńirinde turatyn túrli jastaǵy, san alýan etnos ókilderiniń tarıhy. Jobada naqty adamdardyń naqty taǵdyrlary men ómirbaıandary arqyly búgingi, zamanaýı Qazaqstannyń kelbeti kórinis tabady», degen Elbasy maqalasyndaǵy osy bir joldar jobanyń bolashaq urpaq úshin qanshalyqty mańyzdy ekenin aıǵaqtasa kerek. Elbasynyń rýhanı jańǵyrýǵa qatysty tapsyrmalaryn júzege asyrýǵa baılanysty arnaıy jumys toptary qurylǵan bolatyn. Solardyń qatarynda Aqparat jáne kommýnıkasııalar mınıstrligi Qazaqstan halqy Assambleıasy hatshylyǵymen birigip, «Qazaqstandaǵy 100 jańa esim» jobasynyń basty organy retinde belgilengen-di. О́tken juma kúni Aqparat jáne kommýnıkasııalar mınıstri Dáýren Abaevtyń jetekshiligimen atalǵan joba jónindegi jumys tobynyń otyrysy ótti. Aqparat jáne kommýnıkasııalar mınıstri Dáýren Abaev: «Tabysty bolý – ataqty bolý degen sóz emes. Tabysty adamdardyń bári tanymal emes. Sondyqtan, bizdiń jobamyzdyń maqsaty – olardyń elge, qoǵamǵa sińirgen eńbegin kórsetý, kópshilikke tanystyrý. Jobanyń aty aıtyp turǵandaı, biz Qazaqstanǵa áli tanylyp úlgermegen jańa esimderdi izdep tabýymyz kerek. Osy baǵytta jumys júrgizip jatyrmyz», dedi. О́z sózinde Aqparat jáne kommýnıkasııalar mınıstri jýrnalıster qaýymyna arnaıy qaıyryldy. Olardyń kásibı qyzmeti barysynda ártúrli taǵdyrly jandarmen júzdesip, tanymal bolmasa da taǵylymdy is jasaǵan keıipkerlermen jıi kezdesetinin tilge tıek etti. Jýrnalısterdiń jazǵan maqalalarynan, jasaǵan reportajdarynan úndemeı júrip úlken is tyndyryp jatqan azamattardy saralap, jańa esimderdi tabýǵa bolatyndyǵyn qaperge saldy. Al Qazaqstan halqy Assambleıasy Tóraǵasynyń orynbasary Darhan Myńbaı óz sózinde jobanyń júıeli júzege asýy úshin jan-jaqty talqylaý kerektigin tilge tıek etip, onyń el erteńi úshin ózekti bolaryn alǵa tartty. «Qazaqstandaǵy 100 jańa esim» – bul shyndyǵynda da buryn-sońdy bolmaǵan joba. Ol elimizdiń damýyna úles qosqan adamdardy keńinen nasıhattaýǵa múmkindik beredi. Biraq olardy irikteý barysynda birjaqty qaramaı, azamattyń tulǵalyq qabiletine de basa nazar aýdaratyn bolamyz. Tulǵanyń boıynda iskerlik, adamgershilik, bilim, mádenıet degen uǵymdar bolýy mindetti. Onyń júreginde osyndaı qasıetter bolǵanda ǵana ol basqalarǵa úlgi bola alady. Jumys toby osylardy qalaı anyqtaımyz degen suraqtyń jaýabyn tabý jolynda jumys jasaıdy», dedi Qazaqstan halqy Assambleıasy Tóraǵasynyń orynbasary. Jobaǵa úmitkerlerdi irikteý barysynda elimizdiń barlyq aımaqtary qamtylatyn bolady. Jalpy, jobaǵa qatysty usynystar 2017 jyldyń 5 maýsymyna deıin qaralady. Jobaǵa qatysty «EL.kz» saıtynyń aıasynda «Qazaqstannyń bet-beınesi bolǵym keledi» aıdaryn ashý josparlanyp otyr. «Qazaqstandaǵy 100 jańa esimdi» irikteý úshin «EL.kz» portalynda jańa fýnksııa iske qosylady. Ol naǵyz mýltımedıalyq portalǵa aınalady. Portalda 100, 200 nemese 500 emes, barlyq tabysty adamdardy ornalastyrsaq degen usynys bar. Kez kelgen adam qalaǵan ýaqytynda saıtqa kirip, Qazaqstannyń jańa esimderimen tanysa alady», dedi Dáýren Abaev. Arnaıy jumys tobynyń otyrysyna qatysýshylar jańa esimderdi irikteý, saralaý sátinde san túrli salanyń tizginin ustaǵan bilikti mamandar men eren eńbegimen kózge túsken jandardyń qamtylýy kerektigin biraýyzdan maquldady. Basqalaı aıtqanda, atalǵan jobaǵa qatysýshylardyń qaı-qaısysy da qazaqstandyqtarǵa úlgi bolatyndaı tulǵa bolýy tıis. Sonymen, Aqparat jáne kommýnıkasııalar mınıstrligi Qazaqstan halqy Assambleıasymen birigip «Qazaqstandaǵy 100 jańa esim» jobasyn júzege asyrýdy bastady. Endeshe, biz de iske sát deımiz.
Raýan QAIDAR, «Egemen Qazaqstan»
Sýretti túsirgen Erlan OMAROV