Astanada «Túrik fılmderi aptalyǵy» bastaldy. Qazaqstan Táýelsizdiginiń shırek ǵasyrlyq toıyna baýyrlas el tartý jasap, halyqaralyq kınofestıvalderde joǵary baǵalanǵan, kórermen talǵamynan shyqqan úzdik fılmderdiń kórsetilimin uıymdastyryp otyr.
19-22 jeltoqsan aralyǵynda ótetin sharaǵa oraı, uıymdastyrýshylar arnaıy brıfıng ótkizdi.
"Túrkııa halqy atynan qazaq halqyna, Túrik áleminiń aqsaqaly Nursultan Nazarbaevqa zor qurmetimizdi, sálemimizdi jetkizgim keledi. Túpki otanymyz Qazaqstandy Táýelsizdiktiń 25 jyldyq toıymen quttyqtaımyn! Qııamet kúnine deıin egemen el bolýlaryńyzdy tileımin! Astanada bir apta boıy kórsetiletin fılmder eki baýyrlas elderdiń arasyndaǵy dostyq pen yntymaqtastyqtyń artýyna yqpal etedi dep senemin. Kınosúıer qaýymnyń barshasyn shaqyramyn," - dedi Túrkııa Respýblıkasy Prezıdentiniń keńesshisi Iаlchyn Topchy.
Ol aldaǵy ýaqytta Ankarada Qazaqstan fılmderiniń aptalyǵy ótedi dep dep úmit bildiretinin jetkizdi.
Túrkııanyń úzdik fılmderi elordadaǵy «Kerýen» saýda ortalyǵyndaǵy «Kınoparkte» kórsetiletinin aıta keteıik.
Arnur ASQAR, «Egemen Qazaqstan»