Astanada qala ákimdiginiń qoldaýymen alǵashqy Saryarka short film festival qysqametrajdy fılmder festıvali ótti. Sharany uıymdastyrýshy - «Astana jastary» jastar resýrstyq ortalyǵy, dep habarlaıdy Astana qalasy ákimdigi.
Kınofestıval baǵdarlamasyna 23 fılm jáne konkýrstan tys 5 jumys qatysty. Maqsaty – kınematografııada jańa juldyzdardy anyqtaý, festıvaldi shyǵarmashyl jastar men qazaqstandyq kıno kásipqoılary shoǵyrlanǵan alańǵa aınaldyrý, al úzilister arasynda elimizdegi tanymal rejısserlar Qanat Beısekeev, Medet Shaıahmetov, Oljas Beılovtyń jetekshiligimen sheberlik synyptary ótkizildi.
«Túrli taqyryptar usynylǵan. Uıymdastyrýshy retinde jastardyń ártúrli taqyrypta kıno túsiretini qýantady dep aıta alamyn»,- dedi «Astana jastary» jastar resýrstyq ortalyǵynyń basshysy, belgili qazaqstandyq akter Ánýar Nurpeıisov.
Toǵyz saǵatqa sozylǵan festıvaldiń qorytyndysy boıynsha qazylar alqasynyń sheshimimen Roman Gýsak «Úzdik operator», Qazbek Rústembekov «Úzdik rejısser» atandy. «Úzdik ssenarıı» nomınasııasynda Oljas Taıgelov kósh bastady, «Úzdik áıelder rólin» Tolǵanaı Talǵat, «Úzdik erler rólin» Aqmolda Dýlyǵa somdady, «Kórermender kózaıymy» syılyǵy Samǵar Raqymǵa berildi. Rejısser Darhan Tólegenov «Marshrýt» fılmimen Gran-prı ıelendi.