Shymkent elimizdegi eń yńǵaıly qala atandy. Bul qazaqstandyqtardyń qalaýy. Táýelsiz sarapshylar júrgizgen saýalnamada kópshilik osyndaı tańdaý jasaǵan, dep habarlaıdy Habar24.
Uly Jibek joly boıynda jatqan kóne qalanyń 25 jylda aýqymy keńeıip, ekonomıkasy ósti. Jasyl qalanyń bas jospary bekitilip, aýmaǵy 117 myń gektarǵa jetti. Irgeles jatqan úsh aýdannan 40 eldi meken qalanyń qaraýyna ótti. Sóıtip halyq sany da mıllıonǵa jýyqtady.
Shahar bıýdjeti 1994 jyly 1 mıllıard teńge bolsa, búginde 110 mıllıard teńgege jetken. Investısııa 200 mıllıard teńgege ósken. 75 myńǵa jýyq kásipkerlik sýbekt bar. Shırek ǵasyrda 4 myń sharshy metrge jýyq turǵyn úı salyndy. El ekonomıkasynyń ósýi men eńbekqor halyqtyń atqarǵan jumysynyń arqasynda qala elimizdegi alyp megapolıster qataryna kirdi.
"Ol reıtıngti biz jasaǵan joqpyz. Biz eshkimge ony tapsyrys ta bergen joqpyz. Eshkimge ótinish te jasaǵan joqpyz. Bizge úlken tosynsyı boldy. Sondyqtan eń yńǵaıly qalada turyp jatyrmyz dep maqtanyp qoısaq bolady barlyǵymyzǵa," - deıdi qala ákimi Ǵabıdolla Ábdirahymov.