Qaraǵandyda ótken ańshylar quryltaıy oblystyń ár túkpirinen jınalǵan saıatshylar ıt júgirtip, qus saldy, - dep habarlaıdy "Habar 24" telearnasy.
Astanadan arnaıy kelgen kınologtar naǵyz qumaı tazylardyń tuqymyn anyqtap, tizimge engizdi. Olar qazaqtyń jeti qazynasynyń birin halyqaralyq dárejede moıyndatýdy kózdep otyr. Qazaq qumaı tazyny "jeti qazynanyń biri" dep joǵary baǵalaǵan. Biraq, ókinishke qaraı, sońǵy jyldary ıttiń bul túri joǵalyp barady.
Telearnanyń málimetinshe, sharanyń basty maqsaty - jan-jaqtan jınalǵan tazylardyń arasynan taza qandysyn taýyp, tizimge alý. Buhar Jyraý aýdanynan kelgen Áset Shaltaevtyń tazysy jaqynda ǵana Astanada ótken jarysta bas júldeni jeńip alypty. Sol joly kınologtar "Basarǵa" qazaqtyń qumaı tazysy degen qujat bergen. Al ıesi bolsa, osyndaı jıyndar jıi ótip tursa deıdi.
"Ata-baba jolyn jalǵastyryp, osy tazylardy kóbeıtý maqsatymyz. Qazir az, kóbeıtý kerek, sol úshin osyndaı kórmeler kerek", - deıdi kınolog Áset Shaltaev.
Mamandardyń aıtýynsha, qazir álemde ıttiń 400-den astam túri bar. Sonyń ishindegi eń júırigi osy qazaqtyń qumaı tazylary. Ony endi halyqaralyq dárejede moıyndatý úshin dáıekti dálel kerek. Iаǵnı halyqaralyq kınologııalyq uıymǵa elimizde 1 myńnan astam qumaı tazynyń bar ekenin rastaıtyn qujat tapsyrýymyz qajet. О́kinishke oraı, qazir Qazaqstanda bar-joǵy taza qandy 200 tazy ǵana tirkelgen.
"Qansonar" ańshylar qaýymdastyǵynyń bas kınology Inna Nazarenkonyń aıtýynsha, barlyǵy da halyqtyń ózine baılanysty. "Osyndaı sharalarǵa qatysyp nemese bizge kelip tirkelý kerek. О́kinishke oraı, aýyl-aýyldaǵy ıtbegilerdiń basym kópshiligi tazylaryna qujat alýǵa qulyqsyz, ań aýlasa boldy dep qaraıdy", - deıdi ol.
Jarystyń qorytyndysy boıynsha Ásettiń qumaı tazysy taǵy bas júldeni jeńip aldy. Qalǵandary da marapattan qur qalǵan joq.