Qazirgi zaman tarıhyn qujattandyrý ortalyǵynda «HIH ǵasyr men HH ǵasyrdyń basyndaǵy Shyǵys Qazaqstandaǵy halyqqa bilim berý salasynyń damýy» atty eki tomdyq qujattar jınaǵynyń tusaýkeseri ótti. Atalǵan ortalyqtyń bólim meńgerýshisi Laýra Qadyrova oqyrmandar nazaryna usynylǵan jańa jınaq jaıly bylaı dedi:
– Bul jınaq eki tomdyq kitap bolǵandyqtan, birinshisine Qazan tóńkerisine deıingi kezeńdi qamtyǵan 218 qujat kirip otyr. Ekinshi tomda 1917-1940 jyldardy qarastyrǵan 230 qujat bar. Bul eki tomdyq kitapta Semeıdegi túrli oqý oryndarynyń tarıhy tolyq qamtylǵan. Halyqtyq oqý-aǵartý salasy boıynsha qandaı jumystar atqaryldy, mine, osynyń barlyǵyn engizýge tyrystyq. Jınaqty shyǵarý úshin «Semıpalatınskıe oblastnye vedomostı» jáne «Semıpalatınskıı lıstok» dep atalatyn kóne gazet sandary paıdalanyldy. Sondaı-aq, Semeı arhıviniń qorynan materıaldar alyndy. Sol sııaqty Reseıdiń Omby, Tom qalalaryna baryp, kóptegen qujattardy jınastyryp keldik.
Raýshan NUǴMANBEKOVA,
jýrnalıst
SEMEI