Qazaqstan umtylysyn qoldaımyn - Manfred Grýnd

Qazaqstan basshysy Nursultan Nazarbaev qańtar aıynyń aıaǵynda Qazaqstan hal­qy­na Úndeýmen shy­ǵyp, onyń ba­ry­synda keń aýqymdy já­ne mańyzdy kon­s­tı­týsııalyq re­for­­malarǵa bas­ta­­mashylyq ja­sady. Endi Parlament pen Úkimet ny­ǵaıyp, basqarý júıesi burynǵydan góri tıimdirek bola túsýi tıis. Birinshi kezekte, Qazaqstan Prezıdentiniń búgingi keıbir saıası ókilettikteri men sheshim qabyldaý quqyqtary Parlament pen bıliktiń jergilikti organdaryna beriletin bolýy kerek. Men bul nıetti bútindeı qoldaımyn. Reformalardyń bul baǵdarlamasy, bılikti bólý turǵysynan kelgende, memlekettik organdardy nyǵaıtýǵa yqpal etetin bolady. Osyǵan baılanysty Prezıdent óziniń nazaryn geostrategııalyq máselelerge, syrtqy saıasatqa, ulttyq qaýipsizdik pen qorǵanysqa shoǵyrlandyrady. Bul Qazaqstannyń ári qaraı da demokratııalandyrý baǵytymen ilgerilep bara jatqanyn baıqatady. Qazaqstandy ári qaraı jańǵyrtý máselesi Prezıdenttiń bıylǵy 31 qań­tardaǵy halyqqa jyl saıynǵy dástúrli Joldaýynda da qoz­ǵalady. Jahandyq básekege qabi­lettilik pen uzaq merzimdi ekonomıkalyq damý Qazaqstan aldyna qoıyp otyrǵan negizgi maqsattar bolyp tabylady. Naryqtyq ekonomıka qaǵıdattary boıynsha ilgerileý nıeti de qýattala túsedi. Bul da óte qoldap, qýattaýǵa turarlyq jaıt jáne Ortalyq Azııada óziniń standarttaryn ornyqtyratyn bolady. Birinshi kezekte memleket ekonomıkalyq oıynshy retinde ekinshi kezekke syrǵýy tıis. Kún tártibinde zamanaýı tehnologııalardy damytýǵa mańyzdy oryn berilgen. Aýyl sharýashylyǵy sektory, kólik jáne logıstıka jarııalanǵan jańǵyrtýda damýdyń asa mańyzdy baǵyttary sanalady. Sondaı-aq, Bes ınstıtýttyq reformany júzege asyrýǵa basa kóńil bólingen. 2030 jylǵa qaraı Qazaqstannyń álemdegi asa damyǵan 50 memlekettiń sanatyna qosylý týraly maqsaty merziminen buryn oryndalsa, 2050 jylǵa deıin álemdegi jetekshi 30 eldiń sapyna ený maqsaty da qýattalyp otyr. Men Prezıdent Nursultan Nazarbaev pen Qazaqstan Úkimetiniń jarııalanǵan reformalardy júzege asyrýǵa degen umtylysyn tek qoldaımyn. Osynysymen de Qazaqstan búkil óńirge úlgi bola alady. Manfred GRÝND, Hrıstıan-demokratııalyq odaǵy (HDO) partııasy tóralqasynyń múshesi, Býndestagtaǵy HDO parlamenttik fraksııasy isteriniń basqarýshysy, «GFR-OA» parlamenttik tobynyń tóraǵasy