Balqash qalasy Qaramendi bı 10-shy úıdiń bir jaq bóligi opyrylyp tústi. Bul kópqabatty úı 1950 jyly salynǵan, dep habarlaıdy Egemen.kz.
Atalǵan úı apatty dep tanylǵan. Abyroı bolǵanda úıdegi turǵyndardy bir jyl buryn kóshirip jibergen. Zardap shekkender joq.
«Habarlaımyz, 2025 jyly kórsetilgen podezd Qazaqstan Respýblıkasynyń zańnamasyna sáıkes júrgizilgen tehnıkalyq qorytyndy men qurylys saraptamasynyń negizinde apatty dep tanylǵan. 5-podezd turǵyndary aldyn ala qonys aýdarylyp, páterleri turýǵa jaramsyz dep tanylǵandyqtan, zańda belgilengen tártippen turǵyn úıge muqtaj azamattar retinde esepke qoıylǵan. Qazirgi tańda turǵyndardyń bir bóligi baspanamen qamtamasyz etildi. Qulaý sátinde qaza bolǵandar men zardap shekkender tirkelgen joq. Ǵımarat qorshaýǵa alynyp, kirýge shekteý qoıyldy, ınjenerlik kommýnıkasııalar (elektr, jylý, sý júıeleri) belgilengen tártippen ajyratyldy», deıdi ákimdik.
Qazirgi ýaqytta qurylys jáne ónerkásiptik qaýipsizdik talaptaryn saqtaı otyryp, 5-kireberisti demontajdaý jumystary júrgizilip jatyr.
Ekibastuzda saýda úıiniń tóbesi opyrylyp tústi
«Demontaj jumysy kezeńinde búkil úıdiń (shamamen 120 otbasy) turǵyndaryn tolyq evakýasııalaý uıymdastyryldy. Qalǵan kireberisterdiń turǵyndaryna Qazaqstan Respýblıkasynyń turǵyn úı zańnamasyna sáıkes ýaqytsha turǵyn úı berý máselesi qarastyrylyp jatyr.
Demontaj jumystary aıaqtalǵannan keıin qalǵan 4 kireberiste qosymsha tehnıkalyq tekserý jáne qurylys saraptamasy júrgiziledi. Olar turýǵa jaramdy jáne qaýipsizdik talaptaryna sáıkes dep tanylǵan jaǵdaıda, turǵyndar óz páterlerine qaıta orala alady. Aldaǵy ýaqytta qalǵan kireberisterdiń konstrýksııalaryn kúsheıtý boıynsha jumystardy júrgizýge arnalǵan jobalyq-smetalyq qujattama belgilengen tártippen ázirlenedi», dep habarlady Balqash qalasynyń ákimdigi.
Qostanaıda 2,2 mlrd teńgege salynǵan jańa mekteptiń shatyry opyrylyp tústi