Elbasynyń 25 qańtar kúni Qazaqstan Respýblıkasy Prezıdentiniń bılik tarmaqtary arasynda ókilettikterdi qaıta bólý máseleleri jónindegi Úndeýi jarııalanǵan bolatyn. Osyǵan oraı juma kúni S.Jıenbaev atyndaǵy oblystyq jasóspirimder kitaphanasynda «Elbasy Úndeýi – Jańa reformalar» taqyrybynda jıyn ótti.
Oǵan «Aqtóbe oblysynyń úkimettik emes uıymdar qaýymdastyǵy» Zańdy tulǵalar birlestiginiń prezıdenti Aıgúl Dúısenova, Mádenıet qaıratkeri Erkin Qurmanbekov jáne oqyrmandar men kitaphana qyzmetkerleri qatysty. Shara barysynda ınternet jelisi arqyly Elbasynyń Úndeýi tyńdaldy.
Jıyndy kitaphana qyzmetkeri Lazzat Bóltekova júrgizdi. Ol – Elbasy reformasynyń negizgi baǵyttaryna toqtaldy, sonymen qatar, Konstıtýsııaǵa engizilmek ózgerister men tolyqtyrýlar týraly sóz etti.
«Aqtóbe oblysynyń úkimettik emes uıymdar qaýymdastyǵy» Zańdy tulǵalar birlestiginiń prezıdenti Aıgúl Dúısenova óz kezeginde júzege asyrylǵaly otyrǵan Konstıtýsııalyq reforma bizdiń memleket pen qoǵam úshin óte mańyzdy ekenin, jańa ózgerister memlekettiń damýyna jańa serpin ákeletinin qozǵady.
Mádenıet qaıratkeri Erkin Qurmanbekov: «Táýelsizdiktiń negizin qalap, qazaq memlekettiligin nyǵaıtqan Elbasy endi Qazaqstandy Máńgilik Elge aınaldyrýda. Bul reformalar, Qazaqstannyń demokratııalyq damýynyń jańa belesi bolyp sanalady», – dedi.
Elbasymyzdyń Úndeýin talqylaý barysynda kitaphana dırektory Gúljaınar Kaldına oı-pikirin bildire otyryp, jas urpaq azat oıly, tereń bilimdi bolýy kerektigine, Elbasynyń Úndeýi elge úlken serpilis berip, eńbek etýge degen qulshynysty arttyratynyna senim bildirdi.
Shara barysynda «Elbasynyń Úndeýi – jańa reformalar bastaýy» atty kitap kórmesi uıymdastyrylyp, bıblıografııalyq sholý jasaldy. Kórmege «Eline eleýli Elbasy», «Halyqqa arnaý», «Qazaqstannyń qazirgi zaman tarıhy», t.b. kitaptar men Úndeý jarııalanǵan «Egemen Qazaqstan», «Kazahstanskaıa pravda», «Aqtóbe» gazetteri qoıyldy.
Urjan KÝDASOVA,
S.Jıenbaev atyndaǵy oblystyq jasóspirimder kitaphanasy dırektorynyń orynbasary
AQTО́BE