QR IIM TJ komıtetiniń resmı saıty Qazaqstannyń birqatar óńirlerindegi avtotrassalardyń jabylýy týraly aqparatty jarııalady.
«QazaqAvtoJol» RMK habarlaýynsha, 5 aqpanda saǵat 20:00-den bastap aýa raıynyń nasharlaýyna (qar, burqasyn, boran jáne joldyn durys kórinbeýi) baılanysty respýblıkalyq mańyzy bar «Samara-Shymkent» jolynyń 615 shaqyrymynan (Qobda aýylynyń tusy) jáne 526 shaqyrymyna deıingi (Batys Qazaqstan oblysy shekarasyna deıin) aralyqta sondaı-aq «Aqtóbe-Astrahan» jolynyń (Shubarqudyq aýyly tusy) 11 shaqyrymynan bastap Atyraý oblysy shekarasyna deıingi 330 shaqyrym aralyǵynda barlyq avtokólik túrleriniń qozǵalysy shekteldi.
Túngi 23-15-ten bastap, barlyq avtokólik túrleri úshin «Samara-Shymkent» (718-618 shaqyrymdar, Aqtóbe q. - Qobda), «Samara-Shymkent» (773-836 shaqyrymdar, Belogorka-Hromtaý) joldary jabyldy.
6 aqpanda 00-15-ten bastap, «Aqtóbe-Orsk» (17-135 shaqyrymdar, Prıgorodnyı aýyly-RF 2-shekarasy), 00-50-den beri «Aqtóbe-Orynbor» (8-99 shaqyrymdar, Aqtóbe - RF shekarasy) avtojol bólikteri barlyq avtokólik túrleri úshin jabyq tur. Batys Qazaqstan oblysynda 6 aqpan, túngi 03-00-de aýa raıy jaǵdaıynyń nasharlaýynan (qar, burqasyn, joldyń durys kórinbeýi) respýblıkalyq mańyzy bar «Samara-Shymkent» (330-526 shaqyrymdar) avtojolynyń bóligi barlyq kólik túrleri úshin jabyldy.
Almaty oblysynda «Qurylys, jolaýshylar kóligi jáne avtomobıl joldary basqarmasy» MM habaryna sáıkes, 3 aqpan kúni 21-00-de aýa raıynyń qolaısyzdyǵynan (burqasyn, joldyń kórinbeýi) barlyq avtokólik túrleri úshin «Taldyqorǵan-Qapal» (0-76 shaqyrymdar) jolynda qozǵalys toqtady. P
Aqtóbe oblysynda 5 aqpan kúni 23-00-de aýa raıynyń nasharlaýyna (qar, burqasyn jáne joldyn durys kórinbeýi) baılanysty «Donskoe-Badamsha» (6-45 shaqyrymdar), «Petrapavlovka-Hazretovka» (0-36 shaqyrymdar), «Aqtóbe-Rodnıkovka-Mártók» (5-93 shaqyrymdar), «Shubarqudyq-Oıyl-Qobda-Sol-Ilesk» (0-371 shaqyrymdar), «Pokrovka-Temir-Keńqııaq-Embi» (0-175 shaqyrymdar), «Aqtóbe-Bolgarka-Shubarqudyq» (2-190 shaqyrymdar) avtojoldary jabyldy.