Televızııadaǵy tuńǵysh «Tumar» júldesi tabystaldy

Aqparat jáne kommýnıkasııalar mınıstrliginiń qoldaýymen «Qazmedıa» ortalyǵynyń konsert zalynda «Tumar» I Ulttyq televızııalyq júldesi tapsyryldy. Qy­zyldy-jasyldy kıim kıip qyrmyzydaı qulpyrǵan tele­vı­zııa­daǵy qyz-kelinshekter men shal­barlarynyń qyry synbaǵan er azamattar «Tumar» júlde­siniń tapsyrylý rásimine aıryq­sha daıyndalyp kelgenderi kóri­nip turdy. Olar qyzyl kilem­niń ústinen tup-týra eki saǵatta júrip ótken soń júldeni tapsyrý saltanaty da bastalyp ketti. «Tumar» júldesi otandyq televızııa tarıhynda tuńǵysh ret taǵaıyndalyp otyr. Kim alady degizip kópshilikti tyqyrshytqan júlde 12 atalym boıynsha tapsyrylyp, «Tumar» eskertkish músinsheleri usynyldy. Eń aldymen sarapshylar 12 aqpannan bastap osy júldeni alý úshin joldanǵan materıaldardy qarap, baǵalap, eń sońynda laıyqty sheshim shyǵarǵanyn atap ótýimiz qajet. Bir aıdyń kóleminde uıym­dastyrý komıtetine telearnalar men prodakshn-stýdııalardan 200-den astam ótinim kelip túsken. Al Parlament Senatynyń de­pý­taty Jabal Erǵalıev, «Qazaq­stan Respýblıkasy Prezıdentiniń Tele­radıokesheni» AQ bas dı­rek­­tory Erlan Bekhojın, Qa­zaq­­stan baspasóz klýbynyń prezı­denti Ásel Qaraýylova, «Mılo­serdıe» qaıyrymdylyq qory­nyń dı­rektory Arýjan Saın, tele­vızııa salasynyń tanymal jýr­na­lısteri Imanǵalı Nurti­leý­uly, Bı­bigúl Jeksenbaı, Alek­sandr Ak­sıýtıs, t.b birqatar maman­dar­dan quralǵan qazylar alqasy óti­nimderdiń arasynan 12 atalym bo­ıynsha jeńimpazdardy anyqtady. Sonymen, jabyq daýys berý arqyly elimizdegi búkil respýb­lıkalyq telearnalar arasyndaǵy báıgede «Eń úzdik áleýmettik joba» atalymy boıynsha «Qa­zaq­stan» Ulttyq arnasynyń «Aı­týǵa ońaı» baǵdarlamasy júl­deger atandy. «Eń úzdik aımaqtyq áleý­mettik baǵdarlama» atalymynda Aqtóbe qalasyndaǵy «Rıka TV» arnasynyń «Gorod segodnıa» baǵdarlamasy top jardy. «Eń úzdik aqparattyq baǵdarlama» atalymynda «31 arnanyń» qazaq jáne orys tilderindegi «Inform­bıýro» jańalyqtar qyzmetine júlde tapsyryldy. Al «Eń úzdik aımaqtyq aqpa­rat­tyq baǵdarlama» retinde «Qa­zaqstan-Atyraý» telearnasynyń «Adasqandar» baǵdarlamasy «Tumar» júldesimen marapattal­dy. «Eń úzdik ázil-syqaq baǵ­dar­lamasy» atalymyndaǵy júldeni «Balapan» arnasynyń «Kúlegesh» baǵ­darlamasy jeńip alsa, «Qa­­­zaqstan» Ulttyq arnasynyń «Áke» teleserıaly «Eń úzdik te­le­­­vı­zııalyq telehıkaıa» dep tanyl­dy. «Eń úzdik mýzykalyq baǵ­dar­lama» atalymynda «TV Key» kompanııasynyń «Mýzykalnyı performans» baǵdarlamasy moıny ozyq shyqsa, «Eń úzdik tok-shoý» retinde KTK telearnasynyń «Nasha pravda: «Sýdba cheloveka» baǵdarlamasy báıgeden keldi. «Eń úzdik aqparattyq-taldamaly» baǵdarlama atalymynda «Qazaq­stan» Ulttyq arnasynyń «Apta.kz» baǵdarlamasy, «Eń úzdik de­rek­­ti kıno» atalymynda «Habar» agenttiginiń «Taıny ı sýdby velıkıh kazahov» fılmi «Tumar» júldesimen marapattaldy. «Televızııalyq maýsymnyń eń úzdik oqıǵasy» «Atameken busi­ness channel» arnasynyń ashy­lýy bolsa, «Televızııanyń da­mýyna qos­qan úlesi úshin» atalymy boıyn­sha qoǵam qaıratkeri, belgili kósem­sózshi Sultan Oraza­ly marapat­taldy. Televızııa salasyna arnalǵan saltanatty sharanyń sońyn ala quttyqtaý sóz sóılegen Aqparat jáne kommýnıkasııalar mınıstri Dáýren Abaev merzimdi baspasóz ben ınternet-jýrnalıstıka salasynda da osy tektes syılyq taǵaıyndalatynyn aıtyp ótti. «Búgin Aqparat jáne kommýnıkasııalar mınıstrliginiń atyna kóptegen jaqsy sózder aıtyldy. Bul – biz úshin úlken abyroı. Endigi júlde baspasóz salasy men ınternet-jýrnalıstıkaǵa, onlaın-basylymdarǵa arnalady», – dedi ol. Aıgúl SEIILOVA, «Egemen Qazaqstan» Sýretti túsirgen Orynbaı BALMURAT, «Egemen Qazaqstan»